پاتەر ساتىپ الۋ كەزىندە ينفراقۇرىلىمعا قاتىستى جەڭىلدىك الۋعا بولادى. كەيدە ينفراقۇرىلىمى ءالى قالىپتاسپاعان, دامىپ كەلە جاتقان اۋدانداردا ورنالاسقان پاتەرلەردىڭ باعاسىن ءسال تومەندەتۋگە مۇمكىندىك بار. ءۇيدىڭ جانىندا ساياباق, بالاباقشا, مەكتەپ, سۋپەرماركەتتەر جانە باسقا دا الەۋمەتتىك جانە كوممەرتسيالىق نىساندار بولماسا, پاتەر يەسىمەن ساۋدالاسىپ كورگەن ءجون.
كەيدە عيمارات سالۋشى قولايسىز سايت اشىپ, جارنامانى ناشار جاساعانىن بايقايمىز. عيمارات سالۋشى ۆەب-ازىرلەۋشى جانە ماركەتولوگ قىزمەتتەرىن جالداۋ كەزىندە قاراجات ۇنەمدەگەنىن كورسەتەدى. ساتىپ الۋشى ءۇشىن ەڭ قىزىقتى جارنامالىق قادام - جاڭا عيماراتتاعى پاتەرلەردى جەڭىلدىكپەن ساتۋ.
پاتەر ورنالاسقان قاباتتى تاڭداۋ - مامىلە كەزىندەگى ماڭىزدى شەشىمدەردىڭ ءبىرى. ءبىرىنشى جانە سوڭعى قاباتتا ورنالاسقان پاتەرلەر ادەتتە ءسال ارزانىراق بولادى.
پاتەر ساتىپ الماستان بۇرىن عيمارات سالۋشىلاردى مىندەتتى تۇردە سالىستىرىپ كورۋ قاجەت. بەلگىلى ءبىر عيمارات سالۋشىنىڭ كەڭەسشى مەنەدجەرلەرىمەن سويلەسكەندە, ۇقساس پاتەردىڭ باعاسى تومەن بولعاندىقتان باسقا دەۆەلوپەر ۇسىنىستارىن قاراستىرىپ جاتقانىڭىز تۋرالى ايتۋعا بولادى. بۇل ارگۋمەنت ساتىپ الۋشى تاراپقا ءتيىمدى بولماق.
ساتىپ الۋ ءۇشىن دۇرىس ۋاقىتتى دا تاڭداي ءبىلۋ قاجەت. جىل نەمەسە توقسان سوڭى – مامىلە جاساۋ ءۇشىن ەڭ قولايلى ۋاقىت. عيمارات سالۋشى وكىلدەرى ساتۋ جوسپارىن ورىنداۋى قاجەت. ەگەر كەڭەسشى مەنەدجەر ونى ورىنداي الماي جاتسا, وندا ونى بەلگىلى ءبىر جەڭىلدىككە كوندىرۋگە بولادى.
يپوتەكا راسىمدەۋ نەمەسە 100% تولەم جاساۋ ارقىلى دا جەڭىلدىك الۋعا سەپتىگىن تيگىزەدى. سەبەبى, عيمارات سالۋشىعا ءبولىپ تولەۋ كەزىندەگىدەي بىرنەشە اي كۇتپەي, تۇرعىن ءۇيدىڭ تولىق قۇنىن بىردەن العان الدەقايدا ءتيىمدى. يپوتەكا راسىمدەلسە دە, عيمارات سالۋشى بانكتەن 100% تولىق سومانى ەسكروۋ شوتىنا الاتىن بولادى.
ساتۋ كەڭسەسىندە جاي عانا جەڭىلدىك سۇراۋعا بولادى. ارينە, كەڭەسشى مەنەدجەر سىزگە قوسىمشا بونۋستار بەرۋگە كەلىسپەۋى دە مۇمكىن, بىراق ساتۋ جونىندەگى ديرەكتورمەن سويلەسۋىڭىزگە بولادى. ونىمەن مامىلە ەگجەي-تەگجەيلەرىن تالقىلاپ, پاتەرگە جەڭىلدىك قاراستىرۋىن سۇراۋ - ءسىزدىڭ پايداڭىزعا جۇزەگە اسۋى مۇمكىن.
