تەرگەۋ «التىن ادامنىڭ الەم مۇراجايلارى بويىنشا شەرۋى» حالىقارالىق كورمەسىن وتكىزۋگە, سونداي-اق «قازاقستاننىڭ ۇلتتىق كيەلى نىساندارى مەن مۋزەي قورلارىن جالپىمەملەكەتتىك فوتوگراممەتريالىق 3D-سكانەرلەۋ» جانە «قازاقستان رەسپۋبليكاسىنىڭ ۇلتتىق تسيفرلىق كينوكوللەكتسياسىن تسيفرلاندىرۋ» جوبالارىنا بولىنگەن بيۋدجەت قاراجاتىن ۇرلاۋ فاكتىلەرى بويىنشا جۇرگىزىلۋدە.
«ا.مۇحامەدي ۇلىنىڭ مادەنيەت جانە سپورت ءمينيسترى لاۋازىمىندا بولعان كەزىندە تۋىستارىنىڭ جانە ۇلەستەس تۇلعالارىنىڭ مەنشىگىنە «سۋ جانە قولدانبالى سپورت تۇرلەرى بويىنشا رەسپۋبليكالىق جوعارى سپورت شەبەرلىگى مەكتەبى» رمقك, «قازاق ەنتسيكلوپەدياسى» اق جانە «قازاق عىلىمي-زەرتتەۋ مادەنيەت ينستيتۋتى» جشس زاڭسىز بەرۋگە قاتىستىلىعى تەكسەرىلىپ جاتىر. تەرگەلىپ جاتقان قىلمىستىق ىستەر بويىنشا مەملەكەتكە كەلتىرىلگەن زالالدىڭ الدىن الا سوماسى شامامەن 7 ملرد تەڭگەنى قۇرايدى. ا.مۇحامەدي ۇلىنىڭ قاماۋدا ۇستاۋ مەرزىمى 4 ايعا دەيىن, ياعني وسى جىلدىڭ 26 قىركۇيەگىنە دەيىن ۇزارتىلدى. تەرگەۋ جالعاسۋدا», دەلىنگەن ANTIKOR حابارلاماسىندا.
