قىزىلورداداعى سۇمدىق اپاتقا كىمنىڭ سەبەپشى بولعانى انىقتالدى

استانا. 12 مامىر. قىزىلوردا وبلىسىنىڭ شيەلى اۋدانى اۋماعىندا ورىن الىپ, 10 ادامنىڭ ءومىرىن ج ۇلىپ كەتكەن جول-كولىك وقيعاسىنا كىنالى جۇرگىزۋشىنىڭ ەسىمى بەلگىلى بولدى. بۇل تۋرالى كتك تەلەارناسى حابارلادى. وسى سۇمدىق اپاتتان امان قالعان جولاۋشىلار ءبىراۋىزدان بۇعان دجيپ تىزگىنىندەگى ازاماتتىڭ ايىپتى ەكەنىن ايتۋدا. ايتۋلارىنشا, قارسى باعىتپەن اۆتوبۋس ەمەس, قىمبات كولىكتى ايداۋشى جۇيتكىگەن. رۋلدە شەندى قارجى پوليتسەيى وتىرعان دەگەن دە اقپارات بار. سول قۇزىرلى ورگاننىڭ اتىنا كىر كەلتىرمەس ءۇشىن ءتارتىپ ساقشىلارى كىنانى اۆتوبۋس جۇرگىزۋشىسىنە ارتا سالدى دەيدى جاپا شەككەن جولاۋشىلار. ەسكە سالا كەتەيىك, 10 ادامنىڭ ءومىرىن جالماعان جانتۇرشىگەرلىك جول اپاتى 7 مامىر كۇنى شيەلى اۋدانىنىڭ تارتوعاي اۋىلى تۇسىندا بولعان ەدى. وندا «لەند كرۋزەر پرادو» مەن «مەرسەدەس» شاعىن اۆتوبۋسى بەتپە-بەت سوعىلعان. سوققىنىڭ قاتتى بولعانى سونشا, كولىك ىشىندەگى ادامدار تەرەزەدەن سىرتقا ۇشىپ كەتكەن. ايدالاعا «جەدەل جاردەم» جەتكەنشە, جاراقات العان جولاۋشىلار بىرىنەن سوڭ ءبىرى جان تاپسىرىپتى. ءتارتىپ ساقشىلارىنىڭ الدىن الا بولجامى بويىنشا, اپاتقا قارسى باعىتپەن ءجۇردى دەلىنگەن اۆتوبۋس جۇرگىزۋشىسى كىنالى سانالعان. الايدا, امان قالعان ادامدار مۇلدەم باسقا مالىمەت ايتىپ وتىر. اپاتتان امان قالعان تاعى بىرنەشە ادام قازىر دارىگەرلەردىڭ قاراۋىندا. ءبىرى باسىنان اۋىر سوققى الىپ, ءحال ۇستىندە جاتسا, ەندى ءبىرىنىڭ قول-اياعى سىنعان. اجالدان امان قالعانداردىڭ بارلىعىنىڭ ومىرىنە تونگەن قاۋىپ جوق دەيدى اق حالاتتىلار. ال, قىزىلوردا وبلىستىق جول پوليتسياسى بولسا, ءالى رەسمي جاۋاپ قاتقان جوق. سوندىقتان جاپا شەككەندەر قىزىلوردا وبلىسىنىڭ اكىمىنە حات جازىپ, ءىستىڭ ءادىل تەرگەلۋىن سۇراپ وتىر. قۇرىش نۇرىمبەت. دەرەككوز: كتك. فوتو: كتك.