حوككەي. الەم چەمپيوناتى. بەلارۋس – قازاقستان 4:1

استانا. 11 مامىر. بۇگىن مينسكىدە ءوتىپ جاتقان الەم چەمپيوناتىنىڭ ەكىنشى تۋرىندا بەلارۋس قۇراماسى قازاقستاننىڭ باس كومانداسىن 4:1 ەتىپ ۇتىپ كەتتى. بۇل تۋرالى چەمپيونات.رۋ حابارلادى. الىدمەن تۇندە كەش بولىپ وتكەن ەكىنشى تۋردىڭ العاشقى ەكى ويىنىنىڭ ناتيجەلەرى تۋرالى ايتايىق. وسىنىڭ الدىندا فرانتسۋزداردان بۋلليتتە ۇتىلعان كانادا جاساعى بۇل جولى سلوۆاكتاردى 4:1 ەتىپ تىزە بۇكتىردى. قارسىلاستار ءبىرىنشى كەزەڭدە گول كورگەن جوق. ال ەكىنشى كەزەڭنىڭ ورتاسى اۋا سلوۆاك كارول سلوبودا كانادا قاقپاسىن ءدال كوزدەدى. ءۇزىلىستىڭ سوڭىنا دەيىن كانادالىق دجوەل ۋورد ەسەپتى تەڭەستىردى. سوڭعى كەزەڭدە ۇيەڭكى جاپىراعى ەلىنىڭ كودي حودجسون,كەۆين بيەكسا, سوسىن تاعى ۋورد سىندى ويىنشىلارى تاعى ءۇش شايبا سالدى. اقش – شۆەيتساريا ماتچىنىڭ دا ءبىرىنشى كەزەڭىندە ەسەپ اشىلعان جوق. ەكىنشى كەزەڭدە شۆەيتساريالىقتار 2:1 ەسەبىمەن العا شىقتى. سوڭعى كەزەڭدە اقش حوككەيشىلەرى جاۋاپسىز 2 شايبا ءتۇسىرىپ, جەڭىستى تارتىپ اكەتتى. شۆەيتساريالىقتاردان دەنيس حوللەنشتاينا مەن دامەن برۋننەر, امەريكالىقتاردان پيتەر ميۋللەر, كرەيگ سميت جانە تايلەر دجونسون گولداردىڭ اۆتورلارى اتاندى. بۇگىن كۇندىز جالعاسقان تۋر ويىندارىندا قازاقستان قۇراماسى الاڭ يەلەرىنەن 1:4 ەسەبىمەن ۇتىلدى. ەسەپتى كەشەگى نەمىستەرمەن ويىنداعىداي, بۇل جولى دا اندرەي گاۆريلين اشتى. ول 5-مينۋتتا قارسىلاستار قاقپاسىن ءدال كوزدەدى. وكىنىشكە وراي, جەرلەستەرىمىزدىڭ ەرلىگى وسىمەن ءبىتتى. ەندى تەك بەلورۋستاردىڭ جولى بولىپ تۇردى. ولار ەكىنشى كەزەڭنىڭ باسىندا الاڭدا كوپشىلىك بولىپ تۇرعان كەزدەرىندە اندرەي ستەپانوۆتىڭ كومەگىمەن ەسەپتى تەڭەستىردى. ارادا جەتى مينۋت وتكەندە, نيكولاي ستاسەنكو ءبىرىنشى رەت ءوز كومانداسىن العا شىعاردى. ءۇشىنشى كەزەڭدە بەلارۋس قۇراماسى تاعى ەكى شايبا سالىپ ۇلگەردى. ولاردى سەرگەي كوستيتسىن مەن الەكسەي كاليۋجنىي جاسادى. بۇل تۋرداعى وسى كەزگە دەيىن وينالعان قالعان ويىنداردىڭ بارلىعى قارسىلاستاردىڭ ءبىرىنىڭ ءبىر شايبا ارتىقشىلىعىمەن اياقتالدى. ءسويتىپ, فرانتسيا يتاليادان 1:2 بولىپ ۇتىلسا, نورۆەگيا دانيانى 4:3 ەتىپ جەڭدى. ال گەرمانيا لاتۆيانى 3:2 ەسەبىمەن تىزە بۇكتىردى. بۇگىن تۇندە  شۆەتسيا – چەحيا, فينليانديا – رەسەي قۇرامالارى اراسىنداعى ماتچتارمەن ەكىنشى تۋر مارەگە جەتەدى. دامير قوجامقۇل. دەرەككوز: چەمپيونات.رۋ. فوتو: چەمپيونات.رۋ.