يسپانيانىڭ سولتۇستىگىندەگى يرۋن مەن بيلباو قالالارىن جالعاستىراتىن 187 شاقىرىمدىق قاشىقتىقتا ۆاديم پرونسكي سەگىزىنشى ورىندى يەلەندى. جەرلەسىمىز ءبىرىنشى ورىندى ولجالاعان يسپانيالىق مارك سولەردەن (UAE Team Emirates) ءبىراز قالىپ قويدى. ەكىنشى جانە ءۇشىنشى ورىنداردى وار-دىڭ وكىلى دەريل يمپي (Israel - Premier Tech) مەن ۇلىبريتانيالىق فرەد رايت (Bahrain – Victorious) ەنشىلەدى.
جالپى ەسەپتە پاريجدە ىرگەتاسى قالانعان Groupama – FDJ كلۋبى ساپىندا ونەر كورسەتىپ جۇرگەن 32 جاستاعى رۋدي مولار كوش باستادى. فرەد رايت ەكىنشى ورىنعا كوتەرىلسە, گەرمانيانىڭ Team DSM كومانداسىنىڭ جەيدەسىن كيگەن نەمىس سپورتشىسى نيكلاس ارندت ۇزدىك ۇشتىكتى تۇيىندەپ تۇر. ال «استانانىڭ» كوشباسشىسى ميگەل انحەل لوپەس 32-ساتىعا تابان تىرەدى.
