ىنتىماقتاستىق جايىن ارقاۋ ەتكەن كەزدەسۋ

قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ اقش مەملەكەتتىك حاتشىسىنىڭ ءبىرىنشى ورىنباسارى ۋيليام بيورنسپەن كەزدەسۋ وتكىزدى, دەپ حابارلادى قر ءسىم-ءىنىڭ ءباسپاسوز قىزمەتى. كەزدەسۋ بارىسىندا قا­زاقستان مەن اقش اراسىنداعى ساياسي جانە ساۋدا-ەكونوميكالىق ىنتىماقتاستىقتىڭ جاي-كۇيى مەن بولاشاعى, سونداي-اق, ناۋ­رىز ايىندا گااگا قالاسىندا وتكەن يادرولىق قاۋىپسىزدىك ءسامميتى شەڭبەرىندەگى قازاقستان پرەزيدەنتى ن.نازارباەۆ پەن اقش پرەزيدەنتى ب.وبامانىڭ ۋاعدالاستىقتارىن جۇزەگە اسىرۋ ماسەلەلەرى تالقىلاندى. تاراپتار جاھاندىق قاۋ­ىپ­سىزدىك, اسىرەسە, جاپپاي قى­رىپ-جويۋ قارۋىن تاراتپاۋ سالاسىنداعى ەكى ەلدىڭ ىنتى­ماقتاستىعىن زور قاناعات­تانعاندىقپەن اتاپ ءوتتى. امە­ري­كالىق ديپلومات قازاقستاننىڭ اتالعان سالاعا قوسقان ۇلەسى مەن باستامالارى ءۇشىن ريزا­شى­لىق ءبىلدىردى. وسىعان وراي, 6 مامىر­دا نيۋ-يوركتە «يادرو­لىق بەستىك» ەلدەرىنىڭ ورتالىق ازياداعى يادرولىق قارۋدان ازات ايماقتىڭ (واياقاا) قا­تى­سۋشى ەلدەرىنە كەپىلدىكتەر بەرىلەتىن حاتتاماعا قول قويۋ­دىڭ ماڭىزى ەرەكشە اتاپ ءوتىلدى. واياقاا-نىڭ ءتورا­عاسى رەتىندە قازاقستان ەكى جىل بويى بۇل ماسەلەنى ىلگە­رى­لەتۋ بويىنشا جۇمىس ىستەپ, ورتالىق ازيا ءوڭىرى ەلدە­رى­نىڭ قاۋىپسىزدىگىن ەلەۋلى تۇردە نى­عايتىپ, تاراتپاۋدىڭ جاھاندىق جۇيەسىنە زور ۇلەس قوستى. سۇحباتتاسۋشىلار, سونداي-اق, قازاقستاندىق-امەريكالىق ەكىجاقتى قاتىناستاردىڭ, سو­نىڭ ىشىندە ستراتەگيالىق ءارىپ­تەستىك جونىندەگى كوميس­سيا مەن ەنەرگەتيكا سالا­سىن­داعى بىرلەسكەن كوميس­سيا جانە عىلىمي-تەحنيكا­لىق ىن­تىماقتاستىق كوميسسيا­سىنىڭ جەمىستى قىزمەتىن اتاپ ءوتتى. ساۋدا-ەكونوميكالىق ءجا­نە ىسكەرلىك ىنتىماقتاستىق ەل­دەرىمىز اراسىنداعى سترا­تەگيالىق ارىپتەستىكتىڭ ماڭىزدى قۇراماسى بولىپ قالا بەرەدى. قر ءسىم باسشىسى جوعارى تەحنولوگيالار سالاسىنداعى اقش كومپانيالارىنىڭ قازاقستاندا بىرلەسكەن جوبالاردى جاساۋعا دەگەن قىزىعۋشىلىعىنىڭ ارتۋىن اتاپ ءوتتى. سۇحباتتاسۋشىلار اراسىندا حالىقارالىق ساياسات جانە ءوڭىر­لىك قاۋىپسىزدىكتىڭ وزەكتى ماسە­لەلەرى, سونىڭ ىشىندە ۋكرايناداعى جاعداي بويىنشا پىكىر الماسۋ ءوتتى. وسىعان وراي, بارلىق مۇددەلى تاراپتاردىڭ 17 ساۋىردە جەنەۆادا قول جەت­كىزىلگەن ۋاعدالاستىقتاردى ورىن­داۋ قاجەتتىلىگى باسا ايتىلىپ, قاقتىعىسقا تارتىلعان تاراپ­تاردىڭ ۇستامدىلىق تانىتىپ, ودان ارعى قانتوگىسكە جول بەرمەيتىنىنە سەنىم ءبىل­دىرىلدى. ۋ. بيورنس ەلىمىزدىڭ اۋعان­س­تان­دى قالپىنا كەلتىرۋ مەن ونداعى قاۋىپسىزدىكتى قامتا­ما­سىز ەتۋگە قوسقان ۇلەسى ءۇشىن قازاقستانعا ەرەكشە ري­زا­شىلىق ءبىلدىردى. ول حالىق­ارا­لىق كواليتسيا اسكەرلەرىن اير-دەن شىعارۋ اياسىندا اقش, قازاقستاندى قوسا العاندا, ءوز ارىپتەستەرىمەن اۋعانستاننىڭ, سونىڭ ىشىندە سوڭعى وتىرىسى 2013 جىلدىڭ ساۋىرىندە ال­ماتىدا وتكەن ىستامبۇل ۇدەرىسى شەڭبەرىندەگى تۇراقتى دامۋىن ساقتايتىنىنا سەندىردى. ديپلوماتتار بارلىق دەڭ­گەي­لەردەگى ۇنقاتىسۋدى جال­عاس­تىرىپ, قازاقستاندىق-امە­ري­كالىق ستراتەگيالىق ارىپتەس­تىك­تى نىعايتۋ مەن كەڭەي­تۋگە قو­­سىم­شا كۇش سالۋعا ۋاعدا­لاستى.