كاسىپكەرلەر قوعامىن كورمەگە شاقىردى

قازاقستان مەن يتاليا وڭىرلەرىنىڭ اراسىنداعى ىنتىماقتاستىقتى نىعايتۋ ماقساتىندا قازاق­ستاننىڭ يتالياداعى ەلشىسى اندريان ەلەمەسوۆ كامپانيا وڭىرىندە بولىپ قايتتى, دەپ حابارلادى قر ءسىم-ءىنىڭ ءباسپاسوز قىزمەتى. كەزدەسۋلەردە استانادا ەكسپو-2017 كورمەسىن وتكىزۋدىڭ دايىندىق كەزەڭىنە ەرەكشە نازار اۋدارىلدى. قازاقستان ەلشىسى كامپانيا كاسىپكەرلەر قوعامىن جوسپارلانعان ماڭىزدى حالىقارالىق شاراعا بەلسەندى قاتىسۋعا شاقىردى. كەلىسسوزدەر بارىسىندا استاناداعى ەكسپو-2017 حالىقارالىق كورمەسىن كوپشىلىككە تاراتۋ ماقساتىمەن جەر شارىن ارالاپ جۇرگەن قازاقستاندىق اتاقتى جيھانكەز ساپار ىسقاقوۆتىڭ ناپوليگە ساپارىن ۇيىمداستىرۋ شارالارى تالقىلاندى. ەلشىلىك دەلەگاتسياسىنىڭ ساپار باعدارلاماسىنىڭ نەگىزى ناپوليدەگى كونفەرەنتسيا بارىسىندا بۇۇ قولداۋىمەن ازىرلەنگەن الەمدىك داعدارىسقا قارسى جوسپار جوباسىن تالقىلاۋ بولىپ تابىلدى. شامامەن 50-گە جۋىق شاقىرىلعان قوناقتاردىڭ قاتىسۋىمەن وتكەن ءىس-شارا ءناپوليدىڭ ساۋدا-ونەركاسىپ پالاتاسى ء(سوپ) جانە «ەۋروسپورتەللو» ينۆەستيتسيالىق اگەنتتىگىمەن بىرلەسىپ ۇيىمداستىرىلدى. ساپار بارىسىندا سالەرنو ءسوپ پەن حالىقارالىق «ينتەرترەيد» كومپانياسىنىڭ قولداۋىمەن «قازاقستان: ەكونوميكالىق دامۋدىڭ جاڭا كوزى» اتتى وڭىرلىك بيزنەس-فورۋم ءوتتى. ءىس-شاراعا قالانىڭ نەگىزگى سالالارىندا جۇمىس ىستەيتىن ونەركاسىپتەردىڭ باسشىلارى قاتىستى. شارا ناتيجەسىندە سالەرنو كاسىپكەرلەرى قازاقستاندىق ارىپتەستەرمەن ىنتىماقتاستىقتى دامىتۋ جانە بىرلەسكەن ونەركاسىپتەر اشۋ ماقساتىندا قازاقستاننىڭ وڭىرلەرىنە ساپار شەگۋگە قىزىعۋشىلىقتارىن تانىتتى. سونىمەن قاتار, ا.ەلەمەسوۆ ساپارى بارىسىندا سالەرنو قالاسىنىڭ پورتىنا باردى. پورت پرەزيدەنتى اندرەا اننۋنتسياتومەن كەلىسسوزدەر كەزىندە ەكىجاقتى قاتىناستاردىڭ وزەكتى ماسەلەلەرى تالقىلاندى. ەلشى يتاليالىق سەرىكتەستەردى اقتاۋ تەڭىز پورتىنىڭ اكىمشىلىگىمەن كوپجاقتى قاتىناستاردى دامىتۋعا شاقىردى. ايتا كەتەتىن جايت, سالەرنو جەرورتا تەڭىزىنىڭ كوممەرتسيالىق پارومدى تاسىمالى بەلسەندى دامىپ كەلە جاتقان پورتىنىڭ ءبىرى بولىپ تابىلادى.