«24 تامىزدا تاڭعى ۋاقىتتا قارعالى اۋداندىق سوتىنىڭ ەلەكتروندى مەكەنجايىنا عيماراتقا جارىلعىش زات سالىنعانى تۋرالى حابارلاما كەلىپ ءتۇستى.
ءدال وسىنداي حابارلاما اقتوبە وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنا, اقتوبە قالاسىنىڭ سوتىنا, اقتوبە قالاسىنىڭ قىلمىستىق ىستەر جونىندەگى مامانداندىرىلعان سوتىنا جانە اقتوبە قالاسىنىڭ مامانداندىرىلعان اكىمشىلىك سوتىنا دا كەلىپ تۇسكەن. وقيعا ورنىنا شۇعىل دەن قويۋدىڭ بارلىق كۇشتەرى جۇمسالدى.
سول جەردە ساپەرلەر جۇمىس ىستەپ, عيماراتقا تەكسەرۋ جۇرگىزىلدى. بارلىق قاجەتتى ءىس-شارالار وتكىزىلدى. جارىلعىش قۇرىلعىلار تابىلعان جوق», دەلىنگەن حابارلامادا.
اتالعان فاكتىلەر بويىنشا قر قك-ءنىڭ 273-بابى بويىنشا سوتقا دەيىنگى تەرگەۋ جۇرگىزىلىپ جاتىر.
اقتوبە وبلىسىنىڭ پوليتسيا دەپارتامەنتى تەرروريزم اكتىسى تۋرالى جالعان حابارلاما قىلمىستىق قۇقىق بۇزۋشىلىققا جاتاتىنىن جانە قر قك-ءنىڭ 273-بابىندا كوزدەلگەن قىلمىستىق جاۋاپتىلىققا اكەپ سوعاتىنىن ەسكە سالادى.
