«استانا – جاڭا قالا» ارنايى ەكونوميكالىق ايماعىندا شاتىر جانە قاپتاۋ ماتەريالدارىن شىعاراتىن زاۋىتتىڭ قۇرىلىس الاڭىنا كاپسۋلا سالىندى. جاڭا كاسىپورىندى «سامۇرىق-قازىنا كونستراكشن» كومپانياسى سالىپ جاتىر.
«زاۋىت ونىمدەرى تەك ىشكى نارىققا عانا ەمەس, كورشى ەلدەرگە دە ەكسپورتتالادى. سونداي-اق شاتىر جانە قاپتاۋ ماتەريالدارى بۇرىن دايىن كۇيىندە رەسەيدەن, قىتايدان جانە فينليانديادان اكەلىنگەن», دەدى باسقارما توراعاسى ماۋلەن ايمانبەتوۆ.
زاۋىتتىڭ وندىرىستىك قۋاتى جىلىنا 630 000 مەتالل جابىن ەلەمەنتتەرى مەن 2 200 000 جابىن ماتەريالدارىن شىعارادى دەپ جوسپارلانىپ وتىر.
ءوندىرىس ىسكە قوسىلسا, 70-كە جۋىق جۇمىس ورنى اشىلادى. قۇرىلىس پروتسەسىنە 90-نان استام ادام تارتىلادى. زاۋىتتاعى العاشقى ءونىم 2023 جىلدىڭ قىركۇيەگىندە شىعارىلادى دەپ جوسپارلانۋدا .
