بۇل باستاما ەلىمىزدەگى سپورتتىق كونتەنت اۆتورلارىن قولداۋعا جانە پلاتفورمانىڭ ۇلكەن قوعامداستىعى اراسىندا بۇقارالىق سپورت پەن سالاۋاتتى ءومىر سالتىن ناسيحاتتاۋعا ۇلەس قوسۋعا باعىتتالعان. باستاما اياسىندا 21-28 تامىز ارالىعىندا قر مادەنيەت جانە سپورت مينيسترلىگىنىڭ TikTok-تاعى اككاۋنتىندا (@drs_kz) تىكەلەي ەفيرلەر سەرياسى وتەتىن بولادى. قازاقستاندىقتار استانا ترياتلون پاركىندەگى سپورتتىق مەرەكەگە ۆيرتۋالدى تۇردە بارىپ قايتتى, ال قالعان كۇندەرى اتاقتى سپورتشىلارمەن سۇحباتتى كورە الادى.
سونىمەن بارلىق TikTok پايدالانۋشىلارى سپورتتىق مارافونعا قوسىلىپ قانا قويماي, #مەنچەمپيونمىن2022 حەشتەگى بويىنشا تاقىرىپتىق چەللەندجگە قاتىسا الادى. ەڭ كرەاتيۆتى بەينەلەردىڭ اۆتورلارى باعالى سىيلىقتارمەن ماراپاتتالماق.
«قازاقستان ءوزىنىڭ سپورتتىق جەتىستىكتەرىمەن جانە بوكستان, ۆەلوجارىستان, شاحماتتان جانە اۋىر اتلەتيكادان ءتۇرلى سپورت تۇرلەرىندەگى چەمپيوندارىمەن تانىمال. ءبىزدىڭ مادەنيەت جانە سپورت مينيسترلىگىمەن بىرلەسكەن ناۋقانىمىزدىڭ ارقاسىندا سپورت پەن فيتنەستە العاشقى قادام جاساپ جاتقان بارلىق قازاقستاندىقتار جانە جاقسى تاجىريبەسى بار ادامدار شابىت الىپ, TikTok-تا دا ءوز تابىستارىمەن بولىسەدى دەپ ۇمىتتەنەمىن. ءبىز قازاقستانداعى سپورتتىق جوبالاردى ودان ءارى قولداۋدى جوسپارلاپ وتىرمىز جانە سپورتتىق كونتەنتتىڭ جاڭا اۆتورلارىن كورۋگە قۋانىشتىمىز», دەيدى TikTok-تىڭ اعا وپەراتسيالىق مەنەدجەرى نادەجدا لاپينا.
تىكەلەي ەفيرلەر كەستەسى تومەندەگىدەي:
23 تامىز, ساعات: 18:00-دە دجيۋ-دجيتسۋدان دۇنيەجۇزىلىك ويىنداردىڭ كۇمىس جۇلدەگەرى گالينا دۋۆانوۆامەن سۇحبات.
24 تامىز, ساعات: 18:00-دە ايەلدەر كۇرەسىنەن يسلام ويىندارىنىڭ جۇلدەگەرى ءمادينا باقبەرگەنوۆامەن سۇحبات.
25 تامىز, ساعات: 18:00-دە-پالۋان جانە رەكوردشى سەرگەي تسىرۋلنيكوۆپەن جانە كيوكۋشينكاي-كان كاراتەدەن قولا جۇلدەگەر الىشەر كارمەنوۆپەن سۇحبات.
26 تامىز, ساعات: 18: 00-دە سپورتتىق گيمناستيكادان يسلام ويىندارىنىڭ چەمپيونى ايدا باۋىرجانوۆامەن سۇحبات.
