حالىقارالىق سوت نيگەرياداعى قىزداردىڭ ۇرلانۋ ءىسىن قارايدى

گااگاداعى حالىقارالىق قىلمىستىق ىستەر سوتى نيگەريادا مەكتەپتە وقيتىن 200-دەن استام قىزدى ۇرلاپ كەتۋ تۋرالى ءىستى قارايتىن بولدى. بۇل تۋرالى يتار-تاسس حابارلادى. نيگەريانىڭ پورت-حاركورت قالاسىندا اكتسياعا قاتىسۋشىلار ۇرلانعان قىزداردى بوساتۋدى تالاپ ەتۋدە. بەيسەنبى كۇنى جاريالانعان مالىمدەمەدە حالىقارالىق سوتتىڭ باس پروكۋرورى فاتۋ بەنسۋدا نيگەريانىڭ بورنو شتاتىندا ورىن العان قىزداردىڭ ۇرلانۋى تۋرالى اقپارعا قاتتى الاڭداپ وتىرعانىن ءبىلدىردى. ونىڭ سوزىنە قاراعاندا, «بۇل ءىس حالىقارالىق سوتتىڭ قاراۋىنا ءتۇسىپ وتىرعان ەرەكشە وقيعا بولماق». فاتۋ بەنسۋدا ىزدەۋ مەن قۇتقارۋعا ارنالعان وپەراتسيانىڭ بالالاردى ۇيلەرىنە ساۋ جانە ب ۇلىنبەگەن قالىپتارىندا قايتارۋعا مۇمكىندىك بەرەتىنىنە ءۇمىت ارتاتىنىن جەتكىزدى. «مۇنداي ارەكەتتەر اقتاۋعا جاتپايدى. بۇل سۇمدىق قىلمىسقا نيگەرياداعى نەمەسە حالىقارالىق قىلمىستىق سوتىنداعى قۇقىق قورعۋشىلاردىڭ نازارىن اۋدارۋ ءۇشىن بارىن سالۋ كەرەك», - دەپ اتاپ ءوتتى پروكۋرور. ەسكە سالا كەتەيىك, بيىلعى 14 ءساۋىر كۇنى «بوكو حارام» ەكسترەميستىك توبىنىڭ سودىرلارى نيگەريانىڭ سولتۇستىك-شىعىسىنداعى چيبوك ەلدى مەكەنىنىڭ ليتسەيىندە وقيتىن 276 وقۋشى قىزدى كەپىلدىككە الىپ كەتكەن بولاتىن.  پوليتسيانىڭ مالىمەتى بويىنشا, 53 ءجاسوسپىرىم قىز قاشىپ ۇلگەرگەن, ال 223-ءى ءالى كۇنگە دەيىن قاراقشىلاردىڭ قولدارىندا وتىر. «بوكو حارام» توبىنىڭ سودىرلارى وزدەرىنىڭ وقۋ ورىندارىنا شابۋىل جاساۋلارىن «باتىس وقۋلارىنىڭ توقتاتىلىپ, قىزداردىڭ مەكتەپتى تاستاپ, كۇيەۋگە تيۋلەرى كەرەك» ەكەنىمەن ءتۇسىندىردى. حالىقارالىق قىلمىستىق ءىس سوتى نيگەرياداعى وقيعالارعا 2010 جىلدان بەرى الدىن الا تەكسەرۋ جۇرگىزىپ كەلەدى. «بوكو حارام» ادامزاتقا قارسى قىلمىس جاساپ, اسكەري قىلمىستارعا بوي ۇرىپ ءجۇر دەپ ايىپتالىپ وتىر. مۇرات ايتقوجا. دەركككوز: يتار-تاسس. فوتو: AP Photo/ Sunday Alamba.