نۇرسۇلتان نازارباەۆ: «ارداگەرلەر ومىرلىك ونەگەسىمەن دە قىمبات»

استانا. 9 مامىر. استاناداعى «وتان قورعاۋشىلار» الاڭىندا وتكەن مەرەكەلىك جيىنعا قاتىسقان مەملەكەت باسشىسى جەڭىس كۇنىن ەسىمىزدەن شىعارماۋعا شاقىردى. بۇل تۋرالى egemen.kz ءتىلشىسى حابارلادى. سالتاناتتى شارادا پرەزيدەنت ارداگەرلەرىمىزدىڭ تەك مايدانداعى ەرلىكتەرىمەن عانا ەمەس, ونەگەلى ومىرلەرىمەن دە قۇرمەتتى ەكەنىن جەتكىزە وتىرىپ: «جەڭىس كۇنى – ۇلى مەرەكە. اكەلەرىمىز بەن اتالارىمىزدىڭ ارقاسىندا ءبىز بۇگىن بەيبىت اسپان استىندا ءومىر سۇرۋدەمىز, قۋاتتى مەملەكەت قۇرىپ, بولاشاققا سەنىممەن قاراپ وتىرمىز», – دەدى. سونداي-اق, ول ارداگەرلەرمەن بىرگە تىل ەڭبەككەرلەرىنە دە مەملەكەت تاراپىنان مۇمكىندىگىنشە قولداۋ ءبىلدىرىلىپ وتىرعانىن جەتكىزدى. مەملەكەت باسشىسى ءسوزىنىڭ سوڭىندا ارامىزدا جۇرگەن قارت مايدانگەرلەردىڭ امان-ساۋ جۇرە بەرۋلەرىنە تىلەكتەستىگىن ءبىلدىردى. پرەزيدەنت  «وتان قورعاۋشىلار» الاڭىنا ورناتىلعان شاتىرلار قالاشىعىندا قاريالارمەن ەمەن-جارقىن اڭگىمەلەستى. جولدىباي بازار. دەرەككوز: egemen.kz. فوتو: «قازاقپارات».