«قازاقستاننىڭ ىشكى ىستەر ءمينيسترى ءوز سوزىندە ۇيىمداسقان قىلمىسقا, ەسىرتكىنىڭ زاڭسىز اينالىمىنا جانە كيبەرقىلمىسقا قارسى بىرلەسكەن كۇرەسى بويىنشا ناقتى ۇسىنىستار ايتتى. شىۇ ەلدەرىنىڭ مينيسترلەرى مارات احمەتجانوۆتىڭ بارلىق ۇسىنىسىن قولدادى. اتاپ ايتقاندا, ۆەدومستۆو باسشىسى ۇقت-نى جويۋ, زاڭسىز ماينينگكە قارسى كۇرەس جانە ادام ساۋداسىنا قارسى ءىس-قيمىل بويىنشا قازاقستاندىق تاجىريبەمەن ءبولىستى», دەدى ش.تۇرلىبەك.
سونىمەن قاتار مارات احمەتجانوۆ شىۇ-عا مۇشە مەملەكەتتەردىڭ ەسىرتكىگە قارسى ستراتەگياسى اياسىندا قابىلدانعان شارالار تۋرالى ايتىپ بەردى.
«سوڭعى ءبىر جارىم جىل ىشىندە سينتەتيكالىق ەسىرتكى وندىرەتىن 40 ەسىرتكى زەرتحاناسى جويىلدى. ۇلتتىق باقىلاۋدا ەسىرتكىنىڭ مىڭنان استام جاڭا ءتۇرى تۇر. ينتەرنەتتەگى جارناما اۋىر جانە اسا اۋىر قىلمىستار ساناتىنا جاتقىزىلدى», دەپ قوستى شۇعىلا تۇرلىبەك.
