«جانار-جاعارماي باعاسىنىڭ نەگىزسىز وسۋىنە بايلانىستى ءتيىستى شارالار قابىلداۋدى قامتاماسىز ەتۋ قاجەت. وسىعان وراي رومان سكلياردىڭ باسشىلىعىمەن باعانى باقىلاۋ جانە جانار-جاعارماي تاپشىلىعىن بولدىرماۋ جونىندەگى تۇراقتى كوميسسيا قۇرۋدى تاپسىرامىن. ۇلتتىق ەكونوميكا مينيسترلىگى باسەكەلەستىكتى قورعاۋ اگەنتتىگىمەن جانە اكىمدىكتەرمەن بىرلەسە وتىرىپ, باعانىڭ نەگىزسىز وسۋىنە قاتىستى ءتيىستى شارالاردى قابىلداۋدى قامتاماسىز ەتۋى ءتيىس», دەدى ۇكىمەت باسشىسى.
سونداي-اق يندۋستريا جانە ينفراقۇرىلىمدىق دامۋ مينيسترلىگىنە, «قازمۇنايگاز» جانە قتج كومپانيالارىنا مۇناي وڭدەۋ زاۋىتىنان مۇناي ونىمدەرىن ۋاقىتىلى جونەلتۋ بويىنشا شارالار قابىلداۋ تاپسىرىلدى.
«سونىمەن قاتار تسيفرلىق دامۋ جانە ەنەرگەتيكا مينيسترلىكتەرى ديزەل وتىنىن جەتكىزۋدىڭ تاۋلىكتىك ليميتتەرىن باقىلاۋدىڭ اقپاراتتىق جۇيەسىن ەنگىزۋدى جەدەلدەتۋى كەرەك. ەگىن جيناۋ ناۋقانى كەزىندە ەنەرگەتيكا مينيسترلىگى وبلىس اكىمدىكتەرىمەن بىرلەسىپ, شارۋالاردى جانار-جاعارمايمەن ۋاقىتىلى قامتاماسىز ەتۋ ماسەلەسىن تۇراقتى باقىلاۋدا ۇستاۋى قاجەت. اۋىل شارۋاشىلىعى ءمينيسترى ەگىن جيناۋ بارىسىن كۇندەلىكتى باقىلاۋدى جالعاستىرۋى ءتيىس», دەدى ءا. سمايىلوۆ.
