قىزىلوردادا ءىرى جول اپاتىنان قازا تاپقاندار ەسىمدەرى انىقتالدى

استانا. 9 مامىر. توتەنشە جاعدايلار مينيسترلىگى قىزىلوردا وبلىسىندا ورىن العان ءىرى جول-كولىك اپاتىندا قازا تاپقان جولاۋشىلاردىڭ اتى-جوندەرىن جاريالادى. بۇل تۋرالى ۆەدومستۆونىڭ ءباسپاسوز قىزمەتى حابارلادى. وقيعا 7 مامىر كۇنى 8:50 ساعاتتا «سامارا-شىمكەنت» تراسساسىنىڭ 1892-شاقىرىمىندا, وبلىستىڭ شيەلى اۋدانىنداعى تارتوعاي ستانساسى جانىندا ورىن العان. اپات جولاۋشىلار تاسيتىن «مەرسەدەس» ميكرواۆتوبۋسى (جۇرگىزۋشىسى 1980 جىلى تۋعان د.فازىلوۆ) مەن «لەند كرۋزەر» (جۇرگىزۋشىسى 1976 جىلى تۋعان ب.نۇرماعانبەتوۆ) كولىگىنىڭ بەتپە-بەت سوقتىسىعۋلارىنان ورىن العان. اۆتوبۋستىڭ سالونىندا 18, قارسى كولىكتە 1 ادام وتىرعان. «جول-كولىك وقيعاسى سالدارىنان ەكى جۇرگىزۋشى مەن ميكرواۆتوبۋستىڭ سەگىز جولاۋشىسى سول جەردە قازا تاپتى. ولاردىڭ اراسىندا مىنالار بار: م.كاسىمباەۆا (1949 ج.ت), ج.سەيداحمەتوۆ (1963), ۋ. قالمەنوۆا (1963), و. قۇربانوۆا (1948), ە.ارىنوۆا (1981), ن. ساحيەۆا (1955), ب.بەيبىتوۆا (1959), ك.ساپاروۆا (1966). تاعى مىنا 9 كىسى اۋرۋحانالارعا جاتقىزىلدى: ك.ەرجانوۆ (1978), ا.كامال (1980), ا.زاكەنوۆ (1958), ن.كەمەلبەكوۆ (1950), م. سىرىبايقىزى (1959), ر.مامىتوۆا (1939), ب.دوسقۇلوۆ (1947), گ.قامىسباەۆ (1983), گ.بەيسەنوۆ (1978). اۋىر جاراقات العاندار اراسىندا جاعدايلارى قيىندارى بار. قۇرىش نۇرىمبەت. دەرەككوز: توتەنشە جاعدايلار مينيسترلىگىنىڭ ءباسپاسوز قىزمەتى. فوتو: mgorod.kz.