سۋ ساعاتى

دەرەكتەرگە سەنسەك، سۋ ساعاتى 1965 جىلى شۋ وزەنى جاعاسىنان كەزدەيسوق جاعدايدا تابىلعان ەكەن. قىشتان جاسالعان ىدىستىڭ ءبىر بولىگى كونۋس پىشىندەس بولسا، ەكىنشى بولىگىندە ويىق كەزدەسەدى. ەكى تىرەۋىش اياقتىڭ بىرەۋى جو­عالعان. قارسى بەتىندە قولعا ۇستاۋعا يكەمدەلگەن تۇتقاسى بار.

وسى ءبىر ىدىسقا قاتىستى مالىمەت كوپ-اق. سولاردىڭ بى­رىندە سۋ ساعاتى قاجەتتى سۋدىڭ ناقتى كولەمىن انىقتاۋ ءۇشىن قولدانىلعان دەسەدى. ياعني سول كەزدەگى ادامدار القاپقا قانشا سۋ كەتەتىنىن، قانشا ۋاقىتتا سۋارۋعا بولاتىنىن ءدال وسى جادىگەر ارقىلى انىقتاعان. ەشقانداي قوسپاسىز ءبىر قالىپتى كۇيدىرىلگەن ىدىستى ۋاقىتىندا كوزەشىلەر جاساعان دەگەن دەرەك بار.

«قۇندى جادىگەر قازاقستاندى ايتپاعاندا، ورتالىق ازيا اۋما­عىندا العاش رەت ءبىزدىڭ وڭىردە تابىل­عان ۇلكەن ولجا ەكەنىن ايتا كەتكەن ءلازىم. جالپى، بۇل ىدىس­تىڭ تاريحى VI-VIII عاسىرلارمەن ساباق­تاسىپ جاتىر. ناقتى ايتار بولساق، وسى­دان 1 300 جىلدان استام ۋاقىت بۇرىن جا­سالعان ەكەن»، دەيدى وبلىس­تىق تا­ري­حي-ولكەتانۋ مۋزەيى ديرەك­تورى­نىڭ ورىنباسارى زارينا دۇكەنباەۆا.

تاراز