بىردەن ايتا كەتۋ كەرەك, كەنەپتىڭ ەسكىرگەنى سونشا, ءتىپتى فوتوسۋرەتتە بوياۋدىڭ ازداپ توزعانىن, كەيبىر جەرلەرىنىڭ كەتىلگەنىن اڭداۋعا بولادى. سوندىقتان كومپوزيتسيادا نە بولىپ جاتقانىن باعدارلاۋ كورەرمەنگە وڭايعا سوقپايدى. ايتسە دە, كارتينادا اۋىز تولتىرىپ ايتار ەشتەڭە جوق. تەك كۇيبەڭ ءومىردىڭ كوز شىرىمىن العان ءساتى عانا سىعالايدى. قوڭىر تىرشىلىك, قوجايىننىڭ قاباعىنا قاراعان قولبالا قىزمەتكەرلەر… بۇل فرانتسۋز سۋرەتشىسى كاميل كورونىڭ «تاڭ» اتتى كارتيناسى.
باقساڭىز, قالىڭ ورمان ىشىنەن ءۇيدى بىردەن كورۋ مۇمكىن ەمەس, قويۋ تۇستەر اراسىندا ءاربىر دەتال كەيىننەن مەنمۇندالايدى. قۋراعان اعاشتاردىڭ ارعى بەتىندە مۇنارتىپ تۇرعان ءۇي اۆتوردىڭ يدەياسىن جاڭعىرتىپ تۇر. ال الدىڭعى قاتارداعى كەنەپتىڭ ءدال ورتاسىندا ورنالاسقان ەكى فيگۋرا نە ىستەپ جاتىر؟ نە تاڭعى اس ءىشىپ وتىر, نە وتىن ارالاۋدا. ءارتۇرلى ويعا شوماسىز.
بۇل ءبىزدىڭ بولجام عانا, بىراق ەكى نۇسقا دا شىنايى بولۋى مۇمكىن. كومپوزيتسيانىڭ ورتاسىنا سىزىلعان ۇلكەن بورەنە ۇستەل رەتىندە دە, ارالاۋعا ارنالعان ماتەريال رەتىندە دە ماڭىزدى ءرول اتقارا الادى. ونىڭ ۇستىنە, ادام ىزدەرى بىزگە كەسىلگەن بورەنەلەر تۇرىندە كورىنەدى.
مۇندا ادامنىڭ تاڭعى كوڭىل كۇيى سونداي نازىك, سونداي ءدال بەينەلەنگەن. اسپان ءالى كوگىلدىر ەمەس, بىراق ءسۇتتى سۇر. الىستاعى ايماق قارا تۇمان. تەك الدىڭعى قاتارداعى اعاشتاردىڭ ىعى بىزگە جىلدىڭ قاي مەزگىلىندە ەكەنىمىزدى بىلۋگە مۇمكىندىك بەرەدى. ويىمىزعا الدىمەن كۇز كەلەدى, كوكتەم دە بولۋى مۇمكىن. ويتكەنى الدىدا تۇرعان جاس اعاش ەندى عانا ءتۇس الا باستاعان سياقتى جانە ونىڭ ءوز ءتاجى بار.
كەنەپ قيالعا ورىن بەرەدى جانە ەڭ باستىسى – ويلانباي ارەكەت ەتۋ. ايتپەسە, اۆتوردىڭ ويىنا دا كەلمەگەن نارسەنى ءوزىڭىز ءۇشىن ويلاپ تابۋعا بولادى. ءتىپتى سۋرەتكەر ءۇشىن ورمان ويلانىپ تۇرعانداي. ال ءبىزدىڭ ويىمىزعا جوعارىداعى ماتىندەر كەلدى.
