يران يسلام رەسپۋبليكاسى حارتيانىڭ ماقساتتارى مەن قاعيداتتارىن, شارتتىڭ ەرەجەلەرىن, سونداي-اق شىۇ شەڭبەرىندە قابىلدانعان حالىقارالىق شارتتار مەن قۇجاتتاردى ساقتاۋعا مىندەتتەنەدى.
يران يسلام رەسپۋبليكاسىنىڭ وسى مەموراندۋمنىڭ كۇشىنە ەنۋى ءۇشىن قاجەتتى مەملەكەتىشىلىك راسىمدەردى ورىنداعانى تۋرالى شىۇ حاتشىلىعى حابارلامانى العان كۇننەن باستاپ يران يسلام رەسپۋبليكاسى 2022 جىلعى 1 جەلتوقسانعا دەيىنگى مەرزىمدە حارتياعا, 2001 جىلعى 15 ماۋسىمداعى تەرروريزمگە, سەپاراتيزمگە جانە ەكسترەميزمگە قارسى كۇرەس تۋرالى شانحاي كونۆەنتسياسىنا جانە ولاردىڭ حاتتامالارىنا قوسىلۋعا مىندەتتەمە الادى.
يران يسلام رەسپۋبليكاسى وسى مەموراندۋم كۇشىنە ەنگەن جاعدايدا حالىقارالىق شارتتارعا قوسىلۋ قۇقىعىن الادى. يران يسلام رەسپۋبليكاسى ولارعا 2023 جىلعى 15 ساۋىرگە دەيىنگى مەرزىمدە قوسىلۋعا مىندەتتەنەدى.
بارلىعى 40-تان استام قۇجات راسىمدەلگەننەن كەيىن مەملەكەت باسشىلارى يرانعا ۇيىمعا مۇشە مارتەبەسىن بەرۋ تۋرالى شەشىم قابىلدايدى.
شىۇ-عا مۇشە مەملەكەتتەر باسشىلارى كەڭەسىنىڭ كەلەسى وتىرىسى وسى جىلدىڭ 15-16 قىركۇيەگىندە سامارقاندتا وتەدى دەپ جوسپارلانعان.
