قۇرمەت

الماتى قالاسىنىڭ اكىمى احمەتجان ەسىموۆ ۇلى وتان سوعىسىنداعى جەڭىستىڭ 69 جىلدىق مەرەكەسىنە وراي 14 ارداگەرگە پاتەر كىلتىن تابىس ەتتى. ۇلى جەڭىستىڭ ەلىمىزدەگى ەڭ باستى مەرەكە ەكەندىگىن ەرەكشە اتاپ وتكەن شاھار باسشىسى ارداگەرلەرگە باعا جەتپەس ەرلىكتەرى ءۇشىن العىس ءبىلدىردى. – بىزدەر ەلىمىزدىڭ بولاشاق ۇرپاعى ءۇشىن جاساعان سىزدەردىڭ ەرەن ەڭبەكتەرىڭىزدى ەشقاشان ۇمىتپايمىز, – دەدى احمەتجان ەسىموۆ. – ءتۇرلى سىرتقى ماسەلەلەر مەن الەمدىك ەكونوميكالىق داعدارىسقا قاراماستان مەملەكەت ءوزىنىڭ الەۋمەتتىك مىندەتىن ۇنەمى ورىنداپ كەلەدى. قازاقستان پرەزيدەنتى نۇرسۇلتان نا­زارباەۆتىڭ جارلىعىمەن بيىلعى جىلدىڭ 1 ءساۋى­رىنەن باستاپ زەينەتاقى 14 پايىزعا ءوستى. ءماس­لي­­­­­­حاتتىڭ شەشىمى بويىنشا الماتىدا تۇراتىن اردا­­­گەرلەرگە ارنايى الەۋمەتتىك كومەك تولەنەتىن بولادى. تەك 5 جىلدىڭ ىشىندە عانا قالادا ۇلى وتان سوعىسىنا قاتىسۋشىلارعا 153 پاتەر بەرىلگەن. وسىلايشا, بۇگىنگى تاڭدا الماتى قالاسى بويىنشا ۇيگە ءزارۋ ۇوس اردارگەرلەرى باسپانامەن قامتىلدى. سونداي-اق, ۇوس ارداگەرلەرىن جەڭىس كۇنىمەن «نۇر وتان» پارتياسى الماتى قالالىق فيليالى دا سالتاناتتى تۇردە قۇتتىقتادى. شارا بارىسىندا 15 مايدانگەرگە قازاقستان پرەزيدەنتى ءىس باسقارماسىنىڭ مەديتسينالىق ورتالىعىنا قاراستى «الماتى Resort» كلينيكالىق شيپاجايىنىڭ پرەزيدەنتى, «نۇر وتان» پارتياسى الماتى قالالىق فيليالى ساياسي كەڭەسىنىڭ مۇشەسى قانات توسەكباەۆ وسى دەمالىس ۇيىنە 10 كۇندىك تەگىن جولداما سىيعا تارتتى. – مەملەكەت باسشىسى نۇرسۇلتان ءابىش ۇلى نازارباەۆ ءبىزدىڭ ارداگەرلەرىمىزگە ۇنەمى قولداۋىن كورسەتىپ تۇرادى. مايدانگەرلەردىڭ قاتارى جىل سايىن سيرەپ كەلەدى. الماتىدا قازىر 1006 عانا ارداگەر قالدى. جەڭىس كۇنىن مەرەكەلەۋ اياسىندا «نۇر وتان» پارتياسى دوكتريناسىنىڭ باستى قۇندىلىقتارىن نەگىزگە الا وتىرىپ, ۇرپاقتار ساباقتاستىعى مەن قوعامداعى ىنتىماقتاستىق سەزىمدى, داستۇرلىك عۇرىپتاردى, ۇلى وتان سوعىسىنىڭ ارداگەرلەرىنە دەگەن سىي-قۇرمەتتى ارتتىرۋعا باعىتتالعان «ارداگەرلەردى ارداقتايىق» جوباسىن كەڭىنەن جۇزەگە اسىرۋدا, – دەپ اتاپ ءوتتى الماتى قالاسى ارداگەرلەر كەڭەسىنىڭ توراعاسى ەرعالي شايحۋتدينوۆ. گۇلزەينەپ سادىرقىزى, «ەگەمەن قازاقستان». سۋرەتتى تۇسىرگەن سەرىك وتەگەن ۇلى