سوڭعى ءتورت كۇندە ۆيرۋس جۇقتىرعان 11 ادام انىقتالدى. مينيسترلىكتە اتاپ وتكەندەي, بۇگىنگى تاڭدا قاۋىپ توبىنداعى 2 مىڭنان استام ادام ۆيرۋسقا قارسى پرەپاراتتىڭ قوس دوزاسىمەن ۆاكتسيناتسيالاندى.
يزرايل شىلدە ايىنىڭ سوڭىندا دانيانىڭ Bavarian Nordic فيرماسى شىعارعان 5,6 مىڭ ۆاكتسينانى جەتكىزۋ ارقىلى حالىقتىڭ وسال توپتارىن ۆاكتسيناتسيالاۋ باعدارلاماسىن باستادى. قىركۇيەك ايىندا مايمىل شەشەگىنە قارسى پرەپاراتتىڭ 4,4 مىڭ دوزاسى كەلەدى دەپ كۇتىلۋدە. مينيسترلىك قولدا بار پرەپاراتتاردى ءتيىمدى پايدالانۋدى قامتاماسىز ەتۋ, سونداي-اق ۆاكتسينانىڭ قوسىمشا دوزالارىن ساتىپ الۋ ءۇشىن ۆاكتسيناتسيا كريتەريلەرىن كەڭەيتۋدى قاراستىرىپ جاتقانىن ايتتى.
يزرايلدە مايمىل شەشەگىن جۇقتىرعاندار سانى كۇرت وسكەن. بۇعان دەيىن شىلدە ايىنىڭ ورتاسىندا ەلدىڭ دەنساۋلىق ساقتاۋ مينيسترلىگى مايمىل شەشەگى اۋرۋىنىڭ تەك 11 جاعدايىن تىركەگەنىن حابارلاعان بولاتىن.
