وبلىستىق تجد مالىمەتىنشە, جىل باسىنان بەرى 41 كولىكتىڭ ورتەنۋ دەرەگى تىركەلگەن.
«اۆتوكولىكتىڭ ءتۇرلى بولشەگىن ۇنەمى تەكسەرىستەن وتكىزىپ, اسىرەسە, ءورت قاۋىپسىزدىگىن باقىلاۋدا ۇستاۋ قاجەت. الايدا, جۇرگىزۋشىلەر بۇل تالاپتى ەسكەرە بەرمەيدى. سونىڭ سالدارىنان اتىراۋ وبلىسىندا بيىلعى 7 ايدا 41 اۆتوكولىكتە ءورت وقيعاسى تىركەلدى. ونىڭ ىشىندە 17 جۇك, 23 جەڭىل كولىكتى جالىن شارپىدى», دەلىنگەن دەپارتامەنت حابارلاماسىندا.
اۆتوكولىكتەگى ءورتتىڭ شىعۋىنا بىرنەشە سەبەپ بار. ماسەلەن, ەلەكتر جابدىقتارىنىڭ بۇزىلۋىنان 28, جانار-جاعار ماي جۇيەسىنىڭ اقاۋىنان 6, كولىك سالونىندا شىلىم شەگۋدىڭ سالدارىنان 7 كولىك ورتەنگەن.
وسىعان بايلانىستى تجد جۇرگىزۋشىلەردەن اۆكولىكتىڭ تەحنيكالىق قاۋىپسىزدىگىنە باسا كوڭىل ءبولۋدى ۇسىنىپ وتىر. اسىرەسە, ءورت قاۋىپسىزدىگى تالاپتارىن ساقتاۋ قاجەت.
«اۆتوكولىكتى دەر كەزىندە تەحنيكالىق بايقاۋدان وتكىزىپ, اسىرەسە, ەلەكتر جەلىسىنىڭ سىمدارىنا نازار اۋدارىلۋى ءتيىس. كولىكتە ءورت سوندىرگىش قۇرال بولعانى ءجون. اۆتوكولىكتە جالىن شارپىعان جاعدايدا قوزعالىستى تەجەپ, ءورت سوندىرگىش قۇرالىن پايدالانۋ كەرەك. جالىندى سوندىرۋگە توپىراق پەن قۇمدى پايدالانۋعا بولادى. جانارماي توگىلگەن جاعدايدا, لاپىلداپ جانىپ كەتپەس ءۇشىن وعان سۋ مەن كوبىك نەمەسە توپىراق سەۋىپ تاستاعان دۇرىس», دەلىنگەن حابارلامادا.
