فۋتبول • 19 تامىز، 2022

«اتىراۋ» فۋتبول كلۋبىنىڭ باس باپكەرى قىزمەتىنەن بوساتىلدى

39 رەت كورسەتىلدى

«اتىراۋ» فۋتبول كلۋبىنىڭ باس باپكەرى كونستانتين گوروۆەنكو قىزمەتىنەن كەتتى. بۇل جونىندە كوماندا باسشىلىعى رەسمي ءمالىم ەتتى، دەپ حابارلايدى Egemen.kz.

اتىراۋلىق كلۋبتىڭ ديرەكتورى ەرنيس ەسماگامبەتوۆ باس باپكەردىڭ اۋىسۋىنا قاتىستى تۇسىنىك بەردى.

«كونستانتين الەكساندروۆيچكە اتقارعان جۇمىسى ءۇشىن العىس ايتامىز. جارتى جىل ىشىندە جاعىمدى جانە ەستە قالاتىن ساتتەر بولدى. كوماندا 1 مامىردان بەرى ءوز الاڭىندا جەڭىسكە جەتكەن جوق. كەيىنگى 11 كەزدەسۋدە ەكى رەت قانا جەڭىسكە جەتتىك، كۋبوكتا توپتىق كەزەڭدە قالىپ قويدىق. چەمپيوناتتاعى سوڭعى 5 كەزدەسۋدە جەڭىسكە جەتە المادىق. باپكەردىڭ اۋىسۋى، ەڭ الدىمەن، كوماندانىڭ ەموتسيونالدىق كوڭىل-كۇيىنە وڭ اسەر ەتەدى دەپ ۇمىتتەنەمىز»، دەدى ول.

ازىرگە كوماندانىڭ باس باپكەرى قىزمەتىنە كىمنىڭ كەلەتىنى بەلگىسىز.

«ۇمىتكەرلەرمەن كەلىسسوز جۇرگىزىپ جاتىرمىز. بۇل قازاقستاندا بۇرىن جۇمىس ىستەمەگەن شەتەلدىك مامان ەكەنىن عانا ايتا الامىن»، دەدى ول.

ك. گوروۆەنكو 1977 جىلى دۇنيەگە كەلگەن. فۋتبولداعى مانسابىندا 1995-2004 جىلدارى «قايرات»، «قاينار»، «استانا»، «الماتى»، «مەگاسپورت»، «سۇڭقار» كوماندالارىندا وينادى. ۇلتتىق قۇراما ساپىندا 2000-2001 جىلداردا 6 ويىندا 3 گول سوقتى.

2020-2021 جىلداردا قاراعاندىنىڭ «شاحتەر»، تالدىقورعاننىڭ «جەتىسۋ» كلۋبتارىندا باس باپكەر بولدى.

بيىلعى جىلدان باستاپ «اتىراۋ» كومانداسىنا جەتەكشىلىك ەتتى.

 

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار