ەلوردا • 19 تامىز، 2022

ەلوردادا ورتالىق ازيا ۆولونتەرلەر فورۋمى باستالدى

12419 رەت كورسەتىلدى

ەلوردادا ورتالىق ازيا ەلدەرى ۆولونتەرلەرىنىڭ فورۋمى ءوتىپ جاتىر، دەپ حابارلايدى Egemen.kz.

ء«بىزدىڭ ەلدە ۆولونتەرلىك ءىس ماقساتتى جانە جۇيەلى نەگىزدە دامىپ كەلە جاتىر. مەملەكەت بۇل باعىتقا ءجىتى كوڭىل ءبولىپ كەلەدى. مەملەكەت باسشىسى قاسىم-جومارت توقاەۆ 2020 جىلدى ۆولونتەرلەر جىلى دەپ جاريالادى. بۇل ەلىمىزدە ۆولونتەرلىكتىڭ دامۋىنا قۋاتتى سەرپىن بەردى. قازاقستان پرەزيدەنتىنىڭ ۆولونتەرلىكتى قولداۋ تۋرالى باستاماسى سول كەزدە باستالعان پاندەميانى ەسكەرە وتىرىپ، ۋاقىتىلى قابىلدانعان ماڭىزدى شەشىم بولدى»، دەدى قر پارلامەنتى سەناتىنىڭ توراعاسى ماۋلەن اشىمباەۆ فورۋمنىڭ اشىلۋ سالتاناتىندا.

ونىڭ ايتۋىنشا، پاندەميا ءورشىپ تۇرعاندا ۆولونتەرلەر مەديتسينالىق قىزمەتكەرلەرمەن بىرگە كوروناۆيرۋسپەن كۇرەستە الدىڭعى قاتاردا ەڭبەك ەتتى.

«وسىندا وتىرعان كوپشىلىگىڭىز پاندەميا كەزىندە ماڭىزدى جۇمىسقا قاتىسقاندارىڭىزعا سەنىمدىمىن. ۆولونتەرلەر سول كەزەڭدە كومەككە مۇقتاج جاندارعا قول ۇشىن سوزىپ، اۋقىمدى جۇمىس اتقاردى. ايتار بولساق، دارىگەرلەر مەن مەديتسينا قىزمەتكەرلەرىنە ىستىق تاماق جەتكىزدى، وتباسىلار مەن حالىقتىڭ الەۋمەتتىك وسال توپتارىنا ازىق-ت ۇلىك پەن ءدارى-دارمەك جيناپ، جەتكىزدى. وسىعان بايلانىستى بارلىق ەرىكتىلەرگە پاندەميا كەزىندەگى باتىلدىق پەن قاجىرلى ەڭبەگى ءۇشىن تاعى دا العىس بىلدىرگىم كەلەدى»، دەدى سەنات توراعاسى.

اتالعان فورۋمعا قازاقستان، قىرعىزستان، وزبەكستان، تۇرىكمەنستان، تاجىكستان جانە ازەربايجان، بەلارۋس جانە رەسەيدەن 600-گە جۋىق ۆولونتەر قاتىسىپ جاتىر.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار