قۇتتىقتايمىز

ۇلى وتان سوعىسىنىڭ ارداگەرى, كسرو مەملەكەتتىك بانكىنىڭ ۇزدىگى قامان قاسەنوۆ 9 مامىردا 90 جىلدىق مەرەيتويىن اتاپ وتەدى. قامان قاسەن ۇلى ۇلى وتان سوعىسى جىلدارى وتانىمىزدى فاشيستىك باسقىنشىلاردان قورعاۋعا بەلسەندى قاتىستى. ول 1942 جىلعى شىلدەدە 18 جاسىندا اسكەر قاتارىنا شاقىرىلىپ قىزىل تۋلى امۋر وزەن كەمەلەرى فلوتيلياسىنىڭ حاباروۆسك قالاسىندا ورنالاسقان اسكە­ري-تەڭىز فلوتىنىڭ بازاسىنا كەلدى. وسىندا ءبىرىنشى سىنىپتى زەنيت پۋلەمەتشىسى بولدى. 1945 جىلعى تامىزدا ميليتاريستىك جاپونياعا قارسى وپەراتسيالارعا قاتىسىپ, 1946-1950 جىلدارى برونەكاتەرلەر وتريادىندا قىزمەت ەتتى. ەرەن ەرلىگى ءىى دارەجەلى وتان سوعىسى وردەنىمەن جانە كوپتەگەن مەدالدارمەن اتالىپ ءوتتى. قامان قاسەنوۆ اسكەردەن ورالعاننان كەيىن 30 جىلدان استام ۋاقىت بويى كسرو مەملەكەتتىك بانكىنىڭ قازاق رەسپۋبليكالىق كەڭسەسىندە ينكاسساتور, رەۆيزور بولىپ جۇمىس ىستەدى. ينكاسساتور ماشيناسىنا قاراقشىلىق شابۋىل جاساعان كەزدە ينكاسساتورلار بريگاداسىنىڭ باتىلدىعى مەن شەبەر ءىس-قيمىلى, تاسىمالداناتىن قۇندىلىقتاردىڭ ساقتالعانى ءۇشىن ول «ەرلىگى ءۇشىن» مەدالىمەن ماراپاتتالدى. مەملەكەتىمىز ارداگەردىڭ كوپ جىلعى ادال ەڭبەگىن لايىقتى باعالادى. قامان قاسەن ۇلى قازاق كسر جوعارعى كەڭەسىنىڭ گراموتالارىن يەلەنىپ, «كسرو مەملەكەتتىك بانكىنىڭ ۇزدىگى» توسبەلگىسىن توسىنە تاقتى. ونىڭ ەسىمى كسرو مەملەكەتتىك بانكى قازاق رەسپۋبليكالىق كەڭسەسىنىڭ قۇرمەت كىتابىنا جازىلدى. قازاقستان رەسپۋبلي­كاسى­نىڭ ۇلتتىق بانكى جانە ارداگەرلەر كەڭەسى قامان قاسەن ۇلى قاسەنوۆتى 90 جاسقا تولۋىمەن قۇتتىقتايدى. زور دەنساۋلىق, باقىتتى جانە يگىلىكتى ءومىر تىلەيدى!