ول ءۇشىنشى راۋندتا الەمدىك رەيتينگتە 29-ورىندا تۇرعان امەريكالىق ەليسون ريسكەنى 6:2, 6:4 ەسەبىمەن ۇتتى. كەزدەسۋ 1 ساعات 26 مينۋتقا سوزىلدى. ماتچ بارىسىندا ەلەنا 9 ەيس جاساپ, 13 برەيك-پوينتتىڭ تورتەۋىن ءساتتى پايدالاندى. قارسىلاسى 1 ەيس, 1 برەيكتەن اسا العان جوق.
وسىلايشا, ە.رىباكينا ءوز سپورتتىق جولىندا العاش رەت تسينتسينناتي دوداسىنىڭ شيرەك فينالىنا جولداما الدى. ول جارتىلاي فينالعا شىعۋ ءۇشىن الەمنىڭ 1-راكەتكاسى, پولشا وكىلى يگا سۆەنتەك نەمەسە رەيتينگتە 24-ورىنداعى امەريكالىق مەديسون كيزدىڭ بىرەۋىمەن تالاسادى.
