سپورت • 19 تامىز، 2022

«سپارتاك» كىممەن ايقاسادى؟

49 رەت كورسەتىلدى

بۇل كۇندەرى ارالاس جەكپە-جەكتىڭ جانكۇيەرلەرى اسا پروموۋشەنىنىڭ مۇرىندىق بولۋىمەن ءوتىپ جاتقان جەڭىل سالماقتاعىلار اراسىنداعى گران-پري تۋرنيرىندەگى ءار باسەكەنى قىزىعا تاماشالاۋدا. بۇل جارىستىڭ جۇلدە قورى 800 مىڭ اقش دوللارىن قۇراسا، باس جۇلدەنى ولجالاعان سپورتشى 200 مىڭ دوللاردى يەمدەنەدى.

ۇزدىك سەگىزدىكتىڭ سايىسى شي­رەك فينالدان باستالدى. بۇل تۋرنيردە قازاقستاندىق ارتەم رەزنيكوۆ تە (30 كەزدەسۋ، 23 جەڭىس، 17 نوكاۋت) ونەر كورسەتۋدە. ونىڭ جاناما اتى – «سپارتاك». «الاش پرايد» كلۋبى ساپىنداعى شىعىس قازاقستان وبلىسىنداعى ريددەر قالاسىنىڭ تۋماسى تۇساۋكەسەر كەزدەسۋىندە كەزىندە UFC پەن Bellator سىندى بەلدى ۇيىمدار­دا ايقاسقان برازيليالىق داۆي راموستى (14 كەزدەسۋ، 10 جەڭىس، 8 نوكاۋت) ۇپاي سانىمەن ۇتىپ، جارتىلاي فينالعا جولداما الدى. بۇل مەجەدە ارتەم داعىستان­دىق راشيد ماگومەدوۆ (32 كەزدە­سۋ، 25 جەڭىس، 10 نوكاۋت) پەن چەركەس ءالي باگوۆ (43 كەزدەسۋ، 31 جەڭىس، 24 نوكاۋت) اراسىنداعى كەزدەسۋدىڭ جەڭىمپازىمەن كۇش سىنا­سۋعا ءتيىس ەدى. الايدا وسىدان بىرەر اپتا بۇرىن ولار وكتاگون­عا شىققانىمەن، ءبىر-بىرىنە سوق­قى جۇمساماي، كورەرمەندەردى اب­دەن مەزى ەتتى. سوعان قاتتى نارازى بول­عان اسا پروموۋشەنى­نىڭ قو­جا­يىنى مايربەك حاسيەۆ ەكەۋىن دە جارىستان شەتتەتتى.

ءدال قازىرگى كەزدە اتالعان ۇيىمنىڭ جەتەكشىلەرى وسى جارىستا باق سىناۋعا لايىق سپورتشىلاردىڭ كانديداتۋراسىن قاراستىرۋدا. MMA.Metaratings.ru سايتى تاراتقان مالىمەتكە سۇيەنسەك، ۇمىتكەرلەر قاتارىندا داۋد شايحاەۆ، اۋرەل پيرتەا جانە پاۆەل گور­دەەۆ سىندى تانىمال فايتەر­لەر بار. ولاردىڭ ەسىمدەرى جان­كۇ­يەرلەرگە جاقسى تانىس. اتاپ ايتساق، چەشەنستاندىق شايحاەۆ ارالاس جەكپە-جەكتەن 17 كەزدەسۋ وتكىزىپ، 13 رەت جەڭىسكە جەت­تى. توعىز باسەكەنى مەرزىمىنەن ­بۇ­رىن اياقتادى. رۋمىنيالىق پير­تەا 35 ايقاستىڭ 23-ءىن ءوز پاي­دا­سىنا شەشىپ، 18 مارتە ايقىن باسىمدىققا يە بولدى. تۇمەن­دىك گوردەەۆ 24 كەزدەسۋدىڭ تەك ۇشەۋىندە عانا ۇتىلدى. ول جەتى قارسىلاسىن نوكاۋتقا جىبەردى. مىنە، وسى سپورتشىلاردىڭ ءبىرى جارتىلاي فينالدا ءبىزدىڭ ارتەم رەزنيكوۆپەن ايقاسۋى مۇمكىن.

سوڭعى جاڭالىقتار

ەل بىرىنشىلىگى باستالدى

بوكس • بۇگىن، 07:42

دۋبايدا دايىندالادى

تەننيس • بۇگىن، 07:40

«بارىس» تاعى جەڭىلدى

حوككەي • بۇگىن، 07:39

كىشكەنتاي قۇتقارۋشى

قوعام • بۇگىن، 07:38

جاساندى جۇرەك تە ءومىردى ۇزارتادى

مەديتسينا • بۇگىن، 07:37

كارديولوگتەر ەنگىزگەن تەحنولوگيا

مەديتسينا • بۇگىن، 07:35

جىلۋ قۇبىرىنداعى اپات

ايماقتار • بۇگىن، 07:32

مۇز قۇرسانعان ەكىباستۇز

ايماقتار • كەشە

ءۇمىت ساۋلەسى

ساياسات • كەشە

ساڭلاقتىڭ سوڭعى سامعاۋى

قازاقستان • كەشە

ۇقساس جاڭالىقتار