سپورت • 18 تامىز، 2022

تۇركيا تىم ۇزاپ كەتتى

42 رەت كورسەتىلدى

كەشە تۇركيانىڭ كونيا قالاسىندا ءوتىپ جاتقان V يسلام ىنتىماقتاستىعى ويىندارىندا قازاقستاننىڭ سپورتشىلارى ەلەۋلى تابىستارعا قول جەتكىزدى. اسىرەسە ءبىز وتاندىق جەكپە-جەك شەبەرلەرىنىڭ اسقان شەبەرلىگىنە ءتانتى بولىپ، ولاردىڭ ايشىقتى ونەرىنە قۇلشىنا قول سوقتىق.

قازاقستاننىڭ كيكبوكسشى­لارىنىڭ داڭقى الىسقا جايىل­عانىن بارشا جۇرت جاقسى بى­لەدى. وتكەن عاسىردىڭ توقسا­نىن­­شى جىلدارىنىڭ باسىن­دا بۇل ونەردى ءبىزدىڭ ەلگە اكە­لگەن سابىرجان ماحمەتوۆ ەدى. ساڭ­لاق سابىرجاننىڭ تۇ­سىن­دا جەرلەستەرىمىزدىڭ باعىن­دىر­ماعان بەلەستەرى جوق. سول ءۇر­دىس كۇنى بۇگىنگە دەيىن جالعا­سۋدا. وسى يسلاميادادا ءۇش بىر­دەي سايىپقىرانىمىز جەڭىس تۇ­عىرىنىڭ ەڭ بيىك ساتىسىنا كوتەرىلدى. ولار – نۇرسۇلتان جۇ­ما­باەۆ (51 كيلو)، اليحان وز­دوەۆ (67 كيلو) جانە ماقسات ءۇسىپوۆ (71 كيلو). بۇل سپورتشىلار­دىڭ بارلىعى دا قارسىلاستارىن ايقىن باسىمدىقپەن ۇتتى. ال 81 كيلو سالماقتا سىنعا تۇسكەن رۋسلان ستەپانوۆ كۇمىس مەدالدى يەلەندى.

كاراتەشىلەر سايىسىندا قايسار الپىسبايدىڭ قارقىنىنا ەشكىم شىداي المادى. كوپتەگەن حالىقارالىق جارىستا جۇلدە الىپ جۇرگەن قانداسىمىز بۇل جولى دا ءوز جانكۇيەرلەرىن جەرگە قاراتقان جوق. قارسى كەلگەندەردى قوعاداي جاپىرعان قايسار 60 كيلو سالماق دارەجەسىنىڭ باس جۇلدەسىن قانجىعاسىنا بايلادى. فينالدا ول كۋۆەيتتىك ابدوللا شااباندى شاڭ قاپتىرىپ كەتتى. ساۋديالىق ساۋد البيشەر مەن الجيرلىق حەلاسس ايۋب ءۇشىنشى ورىنعا تابان تىرەدى.

جۇزۋشىلەردىڭ جارىسىندا تاعى دا ادىلبەك مۋسين جاسىنداي جارقىلدادى. 50 مەترگە باتتەرفلياي ادىسىمەن جۇزۋدە الدىنا جان سالماعان ول التىن تۇعىرعا كوتەرىلدى. بۇعان دەيىن ادىلبەك وسىدان ەكى ەسە ۇزىن قاشىقتىقتا دا باس جۇلدەنى ولجالاعان ەدى. 4ح100 مەترلىك ارالاس ەستافەتادا قۇرامىندا كسەنيا يگناتوۆا، ادەلايدا پچەلينتسەۆا، دانيەلا ديۋۆال جانە سوفيا ابۋباكىرو­ۆا بار قازاقستان قۇراماسى كۇمىس مەدال ولجالادى. ءدال سول قاشىق­تىقتا ەرلەرىمىز قولاعا قول سوزدى. بۇل كوماندا ساپىندا ەگور پوپوۆ، ايبەك قامزەنوۆ، ادىلبەك مۋسين جانە الەكساندر ۆاراكين ونەر كورسەتتى.

جالپى ەسەپتە تۇركيا قۇرا­ماسى الدا كەلەدى. جارىس قوجا­يىندارىنىڭ قورجىنىندا 303 (127 التىن+97 كۇمىس+79 قولا) جۇلدە بار. وزبەكستان قۇراماسى ەندى ەكىنشى ورىندى ەشكىمگە ­بەرە قويماس. ولار 140 (46+38+56) مەدالدى ولجالاۋدا. يران ءۇشىنشى ساتىعا تۇراقتا­دى. پارسى ەلىنىڭ وكىل­دەرى 127 (38+41+48) جۇلدەنى ەن­شىلەدى. ءتورتىنشى ورىندا – ازەر­باي­جان. ولار 85 (26+30+29) مەدالدى يەمدەندى. ۇزدىك بەستىكتى قازاق­ستاننىڭ سپورتشىلارى تۇ­يىن­دەۋدە. وتانداستارىمىزدىڭ قور­جىنىنا 80 (24+22+34) جۇلدە ءتۇستى.

سوڭعى جاڭالىقتار

ەلوردادا Astana Marathon-2022 وتەدى

ەلوردا • بۇگىن، 12:16

سوماليدە جارىلىس بولدى

الەم • بۇگىن، 10:25

بۇگىنگى ۆاليۋتا باعامى

قارجى • بۇگىن، 10:13

ۇقساس جاڭالىقتار