كينو • 18 تامىز، 2022

مىرجاقىپ تۋرالى تەلەسەريال

58 رەت كورسەتىلدى

الاش ارىستارىنىڭ ءومىرى مەن ونەگەسى جايلى ىزدەنۋ، ولاردىڭ ۇستانعان جولىن، تۇلعالىق ەرەكشەلىگىن وسكەلەڭ ۇرپاقتىڭ ساناسىنا ۇيالاتۋ – بۇگىنگى ءبىزدىڭ پارىزىمىز. ولاردىڭ جان دۇنيەسى، دۇنيەگە، ورتاعا، سول كەزدەگى ساياساتقا كوزقاراسى تۋرالى تەرەڭىرەك تولعانۋعا بولادى. «قايتسەك قازاقتى وياتامىز، وزگەلەرمەن تەرەزەسى تەڭ ۇلت قىلامىز؟» دەپ كۇرەسكەن سالماقتى ويدىڭ، ادال ەڭبەكتىڭ ادامدارى، انىعىن ايتقاندا، الاش ارىستارىنىڭ ەسىمى قازاقتىڭ جۇرەگىندە ماڭگى ساقتالاتىنى ءشۇباسىز.

ولاردىڭ ەسىمدەرىن جاڭعىرتۋ ءۇشىن بىرقاتار يگىلىكتى جوبا باستالىپ كەتكەنىنە دە ءبىرتالاي ۋاقىت بولدى. جۋىقتا «قازاقستان» تەلەراديو­كور­پوراتسياسى مىرجاقىپ دۋلات ۇلى تۋرالى تاريحي تەلە­حيكاياسىنىڭ ءتۇسىرىلىمىن باستادى. تاريحي تۇل­عانىڭ ءومىر جولىنداعى ايتۋلى وقيعالارعا نەگىز­دەلگەن سەريال الاش قايراتكەرىنىڭ ءومىرى، شىعار­ماشىلىعى مەن ساياسي كۇرەسى جايىندا سىر شەرتەدى.

– بيىل «قازاقستان» تەلەراديوكورپوراتسيا­سى 5 تاريحي سەريال تۇسىرەدى. ولار ماعجان جۇما­باەۆ، الكەي مارعۇلان، دينا نۇرپەيىسوۆا، قور­قىت تۇلعاسىنا ارنالعان تەلەحيكايالار جانە ەڭ اۋقىمدىسى 6 بولىمنەن تۇراتىن وسى «مىرجاقىپ.ويان قازاق!» سەريالى. وندىرىسكە قاتىستى بولسىن، شىعارماشىلىق پروتسەستەردە بولسىن ءبىزدىڭ ماماندار جىل سايىن جاڭا مەكتەپتەن ءوتىپ، شىڭدالا تۇسۋدە. ءوزىمىز ءۇشىن بيىل تاعى ءبىر جاڭا تاجىريبە ەنگىزدىك. «مىرجاقىپ. ويان قازاق!» سەريالىن سپينوفف جوبا رەتىندە ۇسىنعالى وتىرمىز. وتكەن جىلعى «احمەت. ۇلت ۇستازى» سەريالىنداعى اكتەرلەر وينايدى، سونداعى كەيبىر وقيعالار جاڭادان ءوربيدى. ياعني بۇل سەريالداعى احمەت تە، ءاليحان دا، باس كەيىپكەر مىرجاقىپ تا كورەرمەن ءۇشىن جاقسى تانىس بولادى. ءتۇسىرىلىم جۇمىستارى الماتى وبلىسىندا، الماتى قالاسىندا، ءوزىنىڭ تۋعان جەرى قوستاناي وبلىسىندا وتەدى، – دەدى «قازاقستان» رەسپۋبليكالىق تەلەراديوكورپوراتسياسىنىڭ باس­قارما ءتورايىمى ءلاززات تانىسباي.

قازىر 6 بولىمنەن تۇراتىن تەلەحيكايانىڭ ءتۇسىرىلىم جۇمىستارى باستالدى. نەگىزگى ءتۇسىرىلىم الماتى قالاسى، الماتى مەن قوستاناي وبلىس­تارىندا جۇرگىزىلەدى. مىرجاقىپتىڭ ءرولىن اكتەر باقىت قاجىباەۆ سومدايدى، ال جارى عاينيكامال رولىندە اكتريسا زارينا كارمەن. تەلەحيكايانىڭ ستسەناريىن مۇرات ەسجان، ۇلاربەك نۇرعالىم جانە ۇشقىن ءسايدىراحمان جازعان. رەجيسسەرى – مۇرات ەسجان، پروديۋسەرى – ايساۋلە ابىلداەۆا. سەريالدا ءاليحان بوكەيحان ءرولىن باۋىرجان قاپتاعاي، احمەت بايتۇرسىن ۇلىن بايعالي ەسەناليەۆ سومدايدى.

سوڭعى جاڭالىقتار

ەلوردادا Astana Marathon-2022 وتەدى

ەلوردا • بۇگىن، 12:16

سوماليدە جارىلىس بولدى

الەم • بۇگىن، 10:25

بۇگىنگى ۆاليۋتا باعامى

قارجى • بۇگىن، 10:13

ەكىنشى ورىنعا تابان تىرەدى

سپورت • بۇگىن، 07:32

وۆەرتايمدا جەڭدى

حوككەي • بۇگىن، 07:30

وزبەكستاننان باسىم ءتۇستى

سپورت • بۇگىن، 07:28

شەراعاڭ – ساحنا تورىندە

تەاتر • بۇگىن، 07:27

كوڭىل ارباعان كەڭىستىك

ادەبيەت • بۇگىن، 07:23

ۇستازدار ۇلىقتالعان كۇن

ءبىلىم • بۇگىن، 07:20

جاستار – تابيعات قامقورشىسى

ەكولوگيا • بۇگىن، 07:17

ۇقساس جاڭالىقتار