اقمولا وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, 17 تامىزدا ستەپنوگور قالالىق پوليتسيا باسقارماسىنا بەستوبە كەنتىندەگى «زاپادنايا» شاحتاسىنىڭ اۋماعىندا سولتۇستىك قازاقستان وبلىسى ايىرتاۋ اۋدانىنىڭ 23 جاستاعى تۇرعىنى كوز جۇمعانى تۋرالى حابارلاندى.
«الدىن الا انىقتالعانداي, ەر ادام شاحتاعا زاڭسىز كىرۋ كەزىندە جاراقات الىپ, قايتىس بولعان. وسىعان بايلانىستى قىلمىستىق كودەكستىڭ 269-1-بابى 3-بولىگى («كۇزەتىلەتىن وبەكتىگە زاڭسىز كىرۋ») بويىنشا سوتقا دەيىنگى تەرگەۋ امالدارى باستالدى. قىلمىستىق ءىستى تەرگەۋ اياسىندا سوت-مەديتسينالىق ساراپتاما تاعايىندالدى», دەدى ۆەدومستۆودان.
