عىلىم • 18 تامىز، 2022

جويىلىپ كەتكەن تاسمانيالىق جولبارىس قايتا ءتىرىلۋى مۇمكىن

49 رەت كورسەتىلدى

اۋستراليا مەن اقش-تىڭ زەرتتەۋشىلەر توبى جويىلىپ كەتكەن تاسمانيالىق جولبارىس پوپۋلياتسياسىن قايتا ءتىرىلتۋ جوباسىنا كىرىستى، دەپ حابارلايدى Egemen.kz ۆۆس اگەنتتىگىنە سىلتەمە جاساپ.

بۇل قالتالى قاسقىر نەمەسە تيلاتسين دەپ اتالاتىن جىرتقىشتاردىڭ سوڭعىسى وتكەن عاسىردىڭ 30-جىلدارىندا جويىلىپ كەتكەن.

جوبانى مەلبۋرن ۋنيۆەرسيتەتى مەن گارۆارد ۋنيۆەرسيتەتىنىڭ پروفەسسورى جانە ادام گەنومىنىڭ شيفرىن اشۋ جوباسىن جاساۋشىلاردىڭ ءبىرى دجوردج چەرچ نەگىزىن قالاعان Colossal Biosciences امەريكالىق بيوتەحنولوگيالىق كومپانياسى جۇزەگە اسىرماق.

جوباعا قاتىسۋشى عالىمدار جانۋاردى باعانالى جاسۋشالار مەن گەنومدى وڭدەۋ ارقىلى قالپىنا كەلتىرۋگە بولاتىنىنا سەنىمدى. ۇقساس دنق-سى بار ءتىرى قالتالى تۇرلەرىنەن جاسۋشالار الىپ، سودان كەيىن جويىلىپ كەتكەن ءتۇردى نەمەسە سوعان مەيلىنشە جاقىن ءتۇرىن قالپىنا كەلتىرۋ ءۇشىن وڭدەلەدى.

زەرتتەۋشىلەر قالپىنا كەلتىرىلگەن جانۋاردىڭ العاشقىسىن شامامەن ون جىلدان كەيىن جابايى تابيعاتقا شىعارۋعا نيەتتى.

پروتسەسس بىرقاتار عىلىمي جەتىستىكتى قاجەت ەتەدى. ەگەر ءساتتى ىسكە اسسا، جويىلىپ كەتكەن بيولوگيالىق ءتۇردى رەانيماتسيالاۋدىڭ العاشقى جاعدايى بولماق.

الدىن الا جاسالعان باعالاۋلار بويىنشا ءتيلاتسيندى قالپىنا كەلتىرۋ جوباسىنا 75 ميلليون دوللار قاجەت. جوبانى قارجىلاندىرۋعا 2017 جىلى العاشقى بيتكوين ميللياردەرلەرى رەتىندە تانىلعان اعايىندى كەمەرون جانە تايلەر ۋينكلۆوستار، سونداي-اق، Marvel كومپانياسىنىڭ كارتيناسىندا تور كەيىپكەرىن سومداعان اكتەر كريس حەمسۆورت تارتىلىپ وتىر.

تاسمانيالىق جولبارىستاردى ءتىرىلتۋ يدەياسى عالىمداردىڭ ويىندا 20 جىلدان بەرى ءجۇر. 1999 جىلى سيدنەيدەگى اۋستراليا مۋزەيى جىرتقىشتى كلونداۋعا ۇمتىلعان ەدى. سودان بەرى جانۋاردىڭ قولدا بار ۇلگىلەرىنەن دنق الۋ نەمەسە بولشەكتەرىن قايتا قالپىنا كەلتىرۋگە بىرنەشە تالپىنىس جاسالعان.

«ماسەلە بۇل جاڭالىقتىڭ مۇمكىندىگىندە ەمەس، قاشان جۇزەگە اساتىندىعىندا»، دەيدى مەلبۋرن ۋنيۆەرسيتەتىنىڭ پروفەسسورى، بيولوگ-ەۆوليۋتسيونيست ەندريۋ پاسك.

الايدا، بۇل جوبانى عىلىمي فانتاستيكاعا بالاپ، كەكەسىنمەن قارايتىن ساراپشىلار دا بار.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار