وقيعا • 18 تامىز، 2022

قىزىن گرانتقا تۇسىرمەك بولعان ايەل 1 ملن تەڭگەسىنەن ايىرىلدى

41 رەت كورسەتىلدى

تۇركىستان وبلىسىندا قىزىن گرانتقا تۇسىرمەك بولعان ايەل 1 ملن تەڭگەسىنەن ايىرىلدى، دەپ حابارلايدى Egemen.kz Polisia.kz-كە سىلتەمە جاساپ.  

شاردارا اپب-عا ارىزدانىپ كەلگەن جەرگىلىكتى تۇرعىن الاياقتىڭ قۇربانى بولعاندىعىن جەتكىزدى. ياعني، تانىسى 2020 جىلدىڭ جەلتوقسان ايىندا قىزىڭدى جوعارى وقۋ ورنىنا گرانتقا ءتۇسىرىپ بەرەمىن دەپ سەنىمىنە كىرىپ، 1 ملن تەڭگەسىن العان.

اتالعان جايتتى ءتارتىپ ساقشىلارى قر قك-ءنىڭ 190-بابى (الاياقتىق) بويىنشا تىركەدى. شاردارالىق ءتارتىپ ساقشىلار تۇرعىندى الداپ، اقشاسىن الىپ كەتكەن كۇدىكتىنى قولعا ءتۇسىرىپ، قىلمىستى اشۋ ماقساتىندا ىزدەستىرۋ شارالارىن جۇرگىزدى. قاجەتتى دەپ تانىلعان بارلىق ءىس-شارالاردى جۇزەگە اسىردى.

ناتيجەسىندە پوليتسيا قىزمەتكەرلەرى كۇدىكتى رەتىندە جۇمىسسىز، الماتى قالاسىنىڭ تۇرعىنىن انىقتادى. بەلگىلى بولعانداي، سەزىكتى ايەل شارداراعا قىدىرىپ كەلگەن. ال الاياقتىقپەن العان اقشانى ءوز قاجەتتىلىگىنە جاراتىپ جىبەرگەن. ءتارتىپ ساقشىلارى كۇدىكتىنىڭ بۇدان باسقا دا قىلمىستارعا قاتىسىن انىقتاپ جاتىر.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار