سەرىكتەستىك ءوزارا سەنىم ارقىلى نىعايادى

قازاقستان پرەزيدەنتى نۇرسۇلتان نازارباەۆ اقش مەملەكەتتىك حاتشىسىنىڭ ورىنباسارى ۋيليام بيورنسپەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋ بارىسىندا ەكىجاقتى قارىم-قاتىناستاردىڭ, سونىڭ ىشىندە ساۋدا-ەكونوميكالىق ءجا­نە ينۆەستيتسيا سالاسىنداعى باي­لا­نىستاردىڭ نەگىزگى باعىت­تارى قاراستىرىلدى. بۇدان بولەك, قازاقستاننىڭ الداعى دۇنيە­جۇزىلىك ساۋدا ۇيىمىنا كىرۋىنە قا­تىستى نەگىزگى ماسەلەلەر تالقى­لاندى. تاراپتار ۋكراينا مەن اۋعانستانداعى جاعدايعا قوسا, حالىقارالىق كۇن ءتارتىبىنىڭ وزەكتى ماسەلەلەرى جونىندە پىكىر الماستى. مەملەكەت باسشىسى قا­زاق­ستاننىڭ قۇراما شتاتتارمەن ەكى­جاقتى قارىم-قاتىناستى بەلسەندى دامىتۋعا ءازىر ەكەنىن ايتتى. – تاياۋدا مەن گااگادا اقش پرە­زيدەنتىمەن كەزدەستىم. ءبىز ەلدەرىمىز اراسىنداعى قارىم-قاتىناستى دامىتۋ ماسەلەلەرىن, سونداي-اق, الەمدە بۇگىنگى تاڭدا قالىپتاسىپ وتىرعان احۋالدى ەگجەي-تەگجەيلى تالقىلادىق. وعان قوسا, بىرلەسكەن مالىمدەمە قابىلدادىق. ەكىجاقتى ىنتىماقتاستىقتى جوعارى دەڭ­گەيدە بۇدان ءارى دە جالعاستىرۋ قاجەت, – دەدى نۇرسۇلتان نازارباەۆ. ۋ.بيورنس مەملەكەت باسشىسىنا اقش پرەزيدەنتى باراك وبامانىڭ جىلى لەبىزىن جەتكىزىپ, اقش-تىڭ قازاقستانمەن ستراتەگيالىق سە­رىك­تەستىككە دەگەن ۇزاقمەرزىمدى اينىماس ۇستانىمىن اتاپ ءوتتى.