بۇرىنعى ءبىلىم ۆيتسە-ءمينيسترىنىڭ سوتى مامىر ايىندا وتەدى

استانا. 9 مامىر. استانا قالالىق سوتى ءبىلىم جانە عىلىم ءمينيسترىنىڭ بۇرىنعى ورىنباسارى سايات شاياحمەتوۆتىڭ جەمقورلىق دەرەگىنە بايلانىستى قوزعالعان قىلمىستىق ءىسىن مامىر ايىندا قارايدى. بۇل تۋرالى مينيستر اسلان ءسارىنجىپوۆ Tengrinews.kz تىلشىسىنە حابارلادى. «مامىر ايىنىڭ سوڭىنا دەيىن سوت باستالادى. ءىس قۇقىق قورعاۋ ورگاندارىنان سوتقا بەرىلدى», - دەدى ول مينيستر ۆەدومستۆونىڭ سوتقا زارداپ شەگۋشى تاراپ رەتىندە قاتىساتىنىن ايتتى. ەسكە سالا كەتيىك, قارجى پوليتسياسى 2013 جىلعى 1 قاراشادا شاياحمەتوۆكە قاتىستى قىلمىستىق ءىستى تەرگەۋدى اياقتادى. ەكس-ۆيتسە-مينيستر وسكەمەندە 700 ورىندىق ءبىلىم بەرۋ مەكەمەسى قۇرىلىسى كەزىندە قىزمەت وكىلەتتىگىن تەرىس پايدالاندى دەپ ايىپتالدى. ول مەملەكەتكە 1,1 ملرد. تەڭگە كولەمىندە شىعىن كەلتىرگەن. وسىعان بايلانىستى شاياحمەتوۆ 2013 جىلعى مامىر ايىندا تۇتقىندالدى. قارجى پوليتسياسىنىڭ مالىمەتىنشە, «قر تۇرعىزىلىپ جاتقان ءبىلىم جانە عىلىم نىساندارى ديرەكتسياسى» جشس باس ديرەكتورى پاكقا, «سەرۆيس جاك» جشس بۇرىنعى باس ديرەكتورى كيرەەۆكە جانە وسى سەرىكتەستىكتىڭ قازىرگى ديرەكتورى تۇتىبالينگە اتالعان بيۋدجەت قارجىسىن الاياقتىق جولمەن جىمقىردى دەگەن ايىپ تاعىلدى. قۇرىش نۇرىمبەت. دەرەككوز: Tengrinews.kz. فوتو: Tengrinews.kz.