اتىراۋلىق ايەل ۇلىنىڭ ءمايىتى جوعالىپ كەتكەنىنە دابىل قاقتى

استانا. 9 مامىر. اتىراۋلىق ايەل ۇلىنىڭ ءمايىتى جوعالىپ كەتكەنىن حابارلاپ, دابىل قاقتى. بۇل تۋرالى كتك تەلەارناسى حابارلادى. «اتىراۋدا تۇراتىن ايەل ءوز ۇلىنىڭ دەنەسى جوق بولىپ كەتكەنىن ايتىپ شاعىندى. مارقۇمنىڭ تۋىستارى ول جەرلەنگەننەن كەيىن ءۇشىنشى كۇنى بەيىتكە كەلىپ, بىردەن تىلدەن ايرىلىپ قالا جازدادى. سەبەبى, ادام كومىلگەن قابىردىڭ ءىشى بوساپ قالىپتى», - دەلىنگەن حابارلامادا. سويتسە, بۇل وقيعاعا پوليتسەيلەردىڭ قاتىستارى بار بولىپ شىقتى. ولار ەر كىسىنىڭ ولىمىنە نەنىڭ قاتىسى بولعانىن زەرتتەپ ءبىلۋ ءۇشىن ونىڭ دەنەسىنە ەكسگۋماتسيا جاساپ كورىپتى. الايدا, ايەل بەيىتتى اشۋ تۋرالى ەشكىمنىڭ وزىنەن رۇقسات الماعانىن ايتادى. «ءبىز بالامىزدىڭ ولىمىنە قاتىستى ەشقانداي شاعىمىمىز جوق ەكەنىن, سوندىقتان مازامىزدى الماۋدى پوليتسيادان سۇراپ جازعان ەدىك. بىراق ولار ءبىزدى تىڭداماي, ولىكتى قورلاعان بولىپ وتىر. بۇل جۇگەنسىزدىك», - دەدى ايەل. بۇعان پوليتسياداعىلاردىڭ دا ءوز ۋاجدەرى بولدى. ولار وزدەرىنىڭ بۇل تۋرالى مارقۇمنىڭ تۋعان-تۋىستارىنا ەسكەرتىلگەنىن, ءتىپتى ەكسگۋماتسيا قورىتىندىسى تۋرالى قاۋلىنى دا تاپسىرماق بولعاندارىن جەتكىزدى. بىراق ولار بۇدان باس تارتقان. «مارقۇمنىڭ تۋىستارىنا ەكسگۋماتسيا ءوندىرىسى تۋرالى الدىن الا ەسكەرتىلدى. الايدا, ولار كوشىرمەنى الۋدان باس تارتتى», - دەدى اتىراۋ پروكۋراتۋراسى ءبولىم باستىعىنىڭ ورىنباسارى امان دۇيسەنعاليەۆ. انىقتالعانداي, مارقۇم ءبىر قىلمىستىق ىسكە كۋا رەتىندە تارتىلعان. تەرگەۋ مالىمەتى بويىنشا, پوليتسەيلەر وعان قىسىم كورسەتكەن. ال جىگىت بۇعان شىداماي, اسىلىپ قالعان. وسىعان وراي پوليتسەيلەردىڭ ۇستىنەن قىلمىستىق ءىس قوزعالعان. ال تەرگەۋدى اقىرىنا دەيىن جەتكىزۋ ءۇشىن ەسكگۋماتسيا جاساۋعا تۋرا كەلگەن. قۇرىش نۇرىمبەت. دەرەككوز: كتك. فوتو: كتك.