پۋتين نازارباەۆتى جەڭىس كۇنىمەن قۇتتىقتادى

استانا. 8 مامىر. رەسەي پرەزيدەنتى ۆلاديمير پۋتين قازاقستان, ازەربايجان, ارمەنيا, بەلارۋس, قىرعىزستان, مولدوۆا, تاجىكستان, تۇركىمەنستان, وزبەكستان, ابحازيا, وڭتۇستىك وسەتيا باسشىلارىن, گرۋزيا مەن ۋكراينا ازاماتتارىن ۇلى وتان سوعىسىنداعى جەڭىستىڭ 69 جىلدىعىمەن قۇتتىقتادى. بۇل تۋرالى كرەملدىڭ سايتىنا سىلتەمە جاساعان Tengrinews.kz حابارلادى. ۆلاديمير پۋتين قۇتتىقتاۋ جولداۋىندا ۇرپاعى ءۇشىن تۋعان جەرى مەن بەيبىتشىلىكتى قورعاپ قالعان اكەلەرىمىز بەن اتالارىمىزدىڭ ەرلىگى ورتاق تاريحتىڭ قاھارماندىق بەتى ەكەنىن جانە ۇلى وتان سوعىسى وقيعالارى تۋرالى تاريحي شىندىقتى ساقتاۋدىڭ, ارداگەرلەردى قامقورلىقپەن ايالاۋدىڭ جانە جاستاردى رۋحاني-ادامگەرشىلىك قۇندىلىقتاردى قورعاۋعا تاربيەلەۋدىڭ ءار مەملەكەت باسشىسىنىڭ مىندەتى ەكەنىن اتاپ وتكەن. رەسەي باسشىسى ۇلى جەڭىس تۋرالى ورتاق ەستەلىكتىڭ حالىقتار اراسىنداعى دوستىقتى نىعايتۋعا, ىنتىماقتاستىقتى ودان ءارى دامىتۋعا جانە ايماقتىق تۇراقتىلىق پەن قاۋىپسىزدىكتى قامتاماسىز ەتۋگە نەگىز بولاتىنىنا سەنىم ءبىلدىردى. ۆلاديمير پۋتين ۇلى وتان سوعىسى ارداگەرلەرىنە زور ريزاشىلىق ءبىلدىرىپ, ولارعا مىقتى دەنساۋلىق پەن اماندىق تىلەدى. ساكەن مايلىباي. دەرەككوز: Tengrinews.kz. فوتو: ريا «نوۆوستي».