كۇدىكتى وقيعا ورنىنا جاقىن جەردە ورناتىلعان بەينەباقىلاۋ كامەراسىنا ءتۇستى. ول قىلمىس جاساعاننان كەيىن بىردەن جاسىرىنۋعا تىرىسقان.
10 تامىزدا كريمينالدىق پوليتسيا قىزمەتكەرلەرى كۇدىكتىنى – 22 جاستاعى قالا تۇرعىنىن ۇستادى. ول ۇرلىق جاساعانىن مويىندادى. سوتقا دەيىنگى تەرگەۋ بارىسىندا پوليتسيا قىزمەتكەرلەرى ۇستالعان ازاماتتىڭ وسىعان ۇقساس ەكى قىلمىسقا قاتىستىلىعىن انىقتادى.
ماسەلەن, 30 شىلدەدە قاسكۇنەم مەشىتتە قۇجاتتارى, بانك كارتالارى جانە ۇيالى تەلەفونى بار سومكەنى ۇرلاپ كەتكەن. 37 جاستاعى جابىرلەنۋشى ونى تەرەزە ۇستىندە قالدىرعانى بەلگىلى بولدى, ال كۇدىكتى بۇل جاعدايدى پايدالانىپ ۇرلىق جاساعان. شىعىن سوماسى 115 مىڭ تەڭگەنى قۇرادى.
اتالعان فاكتى بويىنشا پوليتسيا قر قك 188-بابى «ۇرلىق» بويىنشا قىلمىستىق ءىس قوزعادى. كۇدىكتى ۋاقىتشا ۇستاۋ يزولياتورىنا قامالدى.
