الەمنىڭ 27-ءشى راكەتكاسى ەلەنا رىباكينا تۇساۋكەسەر كەزدەسۋىندە مايار شەريفپەن شەبەرلىك بايقاستى. WTA رەيتينگىندە 60-ساتىعا جايعاسقان مىسىر ەلىنىڭ وكىلى جەرلەسىمىزگە لايىقتى قارسىلىق كورسەتە المادى. 1 ساعات 12 مينۋتقا سوزىلعان سايىس 6:3, 6:2 ەسەبىمەن اياقتالدى. ەندى رىباكينا الەمنىڭ بۇرىنعى ءبىرىنشى راكەتكاسى گاربينە مۋگۋرۋسامەن شەبەرلىك بايقاسادى. كەشە تۇندە يۋليا پۋتينتسەۆا امەريكالىق مەديسون كيزبەن كۇش سىناستى. بۇل باسەكەنىڭ قالاي اياقتالعانى جايىندا گازەتىمىزدىڭ ەرتەڭگى سانىندا حابارلايمىز. سونداي-اق وسى تۋرنيرگە الەكساندر بۋبليك تە قاتىسۋعا ءتيىس ەدى. الايدا ەڭ سوڭعى ساتتە وتانداسىمىز تسينتسينناتيگە بارۋدان باس تارتتى.
