مەديتسينا • 17 تامىز، 2022

جۇقپالى ىندەتتەن اباي بولعان ابزال

57 رەت كورسەتىلدى

جاھاندىق ىندەتتەن بولەك، ءجىتى ىشەك جۇقپاسى دا مەڭدەپ كەلەدى. جەتىسۋ وبلىسىنىڭ دارىگەرلەرى تۇرعىنداردى ساق بولۋعا شاقىرۋدا. ءوڭىر بويىنشا سوڭعى 7 ايدا ءجىتى ىشەك جۇقپاسىنىڭ 352 جاعدايى تىركەلگەن، ونىڭ ىشىندە 219-ى 14 جاسقا دەيىنگى بالالاردا كەزدەستى. بىلتىرمەن سالىستىرعاندا سىرقاتتانۋشىلار سانى 97،5 پايىزعا جوعارىلاعان، ال رەسپۋبليكالىق كورسەتكىشتەن 1،5 ەسە تومەن.

جۇقپانىڭ تارالۋ جولدارى­نىڭ انىقتالۋ كورسەت­كىشى – 79،2 پايىز، ونىڭ ىشىندە ءجۇز پا­يىز تاعام ارقىلى ورشۋدە. تار­قاتىپ ايتساق، 94،7 پايىزى ءۇي جاعدايىندا دايىندالعان تاعام ارقىلى، 3،5 پايىزى جەمىس-جي­دەك، 1،8 پايىزى باسقالارمەن باي­­لا­نىس كەزىندە جۇعۋدا. تاعام ار­ق­ى­ل­ى بەرىلۋدە ءۇي جاعدايىندا دايىن­دالعان، جۋىلماعان جەمىس-جيدەكتەر جانە توڭازىتقىشسىز ساق­تالعان ازىق-ت ۇلىك باستى فاكتور بولۋدا. ەسەپتى كەزەڭدە وبلىس بويىنشا بەرىلۋ فاكتورلارى قار­­بىز جانە بالمۇزداقپەن باي­لانىستى جاعدايلار تىركەلگەن جوق.

ءجىتى ىشەك جۇقپالارى ء(جىج) – ءارتۇرلى ميكروورگانيزمدەرمەن شاقىرىلاتىن، اسقازان-ىشەك جولدارىن زاقىمدايتىن كوپتەگەن اۋرۋدىڭ توبى. ونىڭ بەلگىلەرى: ىشتەگى اۋرۋ سەزىمى، جۇرەك اينۋ، قۇسۋ، قالتىراۋ، دەنە قىزۋىنىڭ كوتەرىلۋى، ءىشتىڭ ءوتۋى، ال اۋىر جاعدايلاردا – سۋسىزدانۋ. اۋرۋدىڭ ءبىرىنشى بەلگىلەرى بايقالعاندا دارىگەرلىك كومەككە جۇگىنىڭىز، ءوز بەتىڭىزشە ەمدەلۋمەن اينالىسپاڭىز.

ال كۆي-گە قارسى شارالار اياسىندا بۇگىندە جەتىسۋ وبلىسىندا ۆاكتسينانىڭ العاشقى دوزاسىن العاندار سانى 318 705 ادامعا جەتتى، بۇل يممۋنداۋعا جاتاتىن ەرەسەك تۇرعىنداردىڭ 82،8 پايىزىن قۇرايدى. ال ەكىنشى كومپونەنتتى 306 569 ازامات الدى.

سونىمەن قاتار وبلىستا رەۆاكتسينالاۋ بويىنشا بەلسەندى جۇمىس جۇرگىزىلۋدە. 15 تامىزداعى ستاتيستيكا بويىنشا، وڭىردە رەۆاكتسينالاۋ كۋرسىنان 139 649 ادام ءوتتى، ياعني 62،4 پايىز. ونىڭ ىشىندە 29 284 ادام Pfizer-دەن كوميرناتي ۆاكتسيناسىمەن قايتا ۆاكتسينالاندى.

وسى ۆاكتسينامەن يممۋنداۋ جۇمىستارى جاسوسپىرىمدەر، جۇكتى جانە بالا ەمىزەتىن ايەلدەر اراسىندا دا جالعاسۋدا. بۇگىندە ۆاكتسينالانعان حالىق سانى 34 973 ادامدى قۇرايدى، ونىڭ ىشىندە 24 788 ءجاسوسپىرىم، 1 068 جۇكتى ايەل جانە لاكتاتسيا كەزەڭىندەگى 5 261 ايەل بار. ۆاكتسينانىڭ ەكىنشى كومپونەنتىن 33 749 ازامات الدى. ونىڭ ىشىندە 12-17 جاس ارالىعىنداعى جاسوسپىرىمدەر – 24 038 بولسا، 1 006 جۇكتى جانە
5 109 بالا ەمىزەتىن ايەل بار.

 

جەتىسۋ وبلىسى

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

شەكارانى بۇكىل ەل قورعايدى

قوعام • 02 جەلتوقسان، 2022

ۇقساس جاڭالىقتار