ەرلىك ساباعى

ۇلى وتان سوعىسى ادامزاتتىڭ ەسىندە ماڭگى قالادى. ادامدارعا قاسىرەت اكەلگەن بۇل سوعىستا ۇلى جەڭىس جولىندا قانشاما بوز­داقتىڭ ءومىرى قيىلدى دەسەڭىزشى. وبلىستىق ءىىد ءباسپاسوز قىزمەتىنىڭ دەرەكتەرى بويىنشا, وبلىستان مايدانعا الىنعان 2,5 مىڭ ميليتسيا قىزمەتكەرىنىڭ تەك 440-ى ەلگە ورالىپتى. قازىر سولاردىڭ اراسىنان عۇمىر بويى قۇقىق قورعاۋ سالاسىندا ەڭبەك ەتكەن بەس ۇلى وتان سوعىسىنىڭ ارداگەرى قالىپتى. اقتوبەلىك پوليتسەيلەر ۇلى جەڭىستىڭ 69 جىلدىعى قار­ساڭىندا وزدەرىنىڭ ۇلى وتان سوعىسىنىڭ مايداندارىندا ەر­لىكپەن سوعىسقان ارداگەرلەرىنە قۇرمەت كورسەتۋدە. وبلىستىق ىشكى ىستەر دەپارتامەنتى ارداگەرلەر كە­ڭەسى ۇيىمداستىرعان «ەرلىك سا­باعى» اتتى كەزدەسۋگە ازىرگە كوزى ءتىرى بەس مايدانگەردىڭ ەكەۋى جانە ءبىر ەڭبەك مايدانىنا قاتىسۋشى كەل­دى. ولار وبلىستىق ىشكى ىستەر دە­پارتامەنتىنىڭ مۇراجايىندا جاس پو­ليتسەيلەرمەن جانە زاڭ ينستيتۋتى تىڭداۋشىلارىمەن كەزدەسىپ, ماي­­­دان جولدارىنان ەستەلىكتەر ايتتى. قان قاساپ مايدان جولدارىنان وتكەن جۇماي الىشەۆ فاشيستىك باس­قىنشىلاردان كيەۆ, ۆارشاۆا, پراگا, ۆەنا قالالارىن ازات ەتۋ ۇرىستارىندا جان الىپ, جان بەرىپ شايقاستى, بەرليندى الۋعا قاتىستى. ول ەڭ العاش زەڭبىرەكشى رەتىندە كۋرسك يىنىندە نەمىستەرمەن بەتپە-بەت كەلىپ, ۇرىستى. مايداندا ءۇش رەت جارالاندى. مايدانگەر سوعىس­تان كەيىن ۇزاق جىلدار بويى زەينەتكەرلىككە شىققانشا قۇقىق قورعاۋ ورگاندارىندا جۇمىس ىستەدى. ميحايل ديدەنكو مايدانعا 1944 جىلى الىنىپتى. ون جەتى جاستاعى بوزبالا 5-ەكپىندى ارميا قۇرامىندا پۋلەمەت توبىنىڭ كو­مان­ديرى بولىپ سوعىستى. العاش رەت ۇرىسقا مينسك تۇبىندەگى زۆات دەرەۆ­نياسى ءۇشىن بولعان شايقاستا كىردى. ءۆيلنيۋستى فاشيستەردەن بوساتۋعا, كەنيگسبەرگتى الۋعا قا­تىستى, جەڭىستى پيلاۋ پورتىندا قارسى الدى. جىل ساناپ مايدانگەرلەر قا­تارى سيرەپ بارادى. سوندىقتان ولاردىڭ ءاربىر كەزدەسۋى جاستاردىڭ بويىندا پاتريوتتىق سەزىمدى قالىپ­تاستىرۋعا, ۇرپاقتار ساباق­تاستىعىن ساقتاۋعا ىقپال جاسايدى. ساتىبالدى ءساۋىرباي, «ەگەمەن قازاقستان». اقتوبە وبلىسى.