قىزىلوردا وبلىسى پوليتسيا دەپارتامەنتى كريمينالدىق پوليتسيا باسقارماسى مەن نۇر-سۇلتان قالاسى پوليتسيا دەپارتامەنتىنىڭ قىزمەتكەرلەرى جەدەل ىزدەستىرۋ شارالارىن جۇرگىزدى.
«ناتيجەسىندە 2020 جىلدان بەرى تەرگەۋدەن بوي تاسالاپ, حالىقارالىق ىزدەۋدە جۇرگەن قىزىلوردا وبلىسىنىڭ 31 جاستاعى تۇرعىنىن ەلوردادا ۇستادى. ول قر قىلمىستىق كودەكسىنىڭ 297-بابى 3-بولىگىنىڭ 1,3-تارماعى بويىنشا قىلمىس جاساعان دەگەن كۇدىككە ىلىككەن. وندا ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ جاعدايى كورسەتىلگەن», دەلىنگەن قىزىلوردا وبلىستىق پوليتسيا دەپارتامەنتى تاراتقان اقپاراتتا.
ۆەدومستۆو وكىلدەرى ناقتىلاعانداي, كۇدىكتىگە قاتىستى كۇزەتپەن ۇستاۋ تۇرىندەگى بۇلتارتپاۋ شاراسى تاڭدالىپ, ۋاقىتشا ۇستاۋ يزولياتورىنا قاماۋعا الىندى.
