قوعام • 15 تامىز، 2022

ەسىرتكى جارنامالاعان 1،6 مىڭنان استام سايت بۇعاتتالدى

36 رەت كورسەتىلدى

قازاقستاندا ەسىرتكى زاتتارىن تاراتۋعا قاتىسى بار 1606 سايت، اككاۋنت جانە باسقا رەسۋرستار انىقتالىپ، بۇعاتتالدى. بۇل تۋرالى بريفينگتە قر ءىىم ەسىرتكى قىلمىسىنا قارسى ءىس-قيمىل دەپارتامەنتىنىڭ وكىلى دانيار ورالوۆ ءمالىم ەتتى، دەپ حابارلايدى Egemen.kz.

«ەسىرتكى زاتتاردى زاڭسىز جارنامالاۋ نەمەسە ناسيحاتتاۋ بويىنشا 76 سوتقا دەيىنگى ءىس، ولاردى ينتەرنەت ارقىلى وتكىزۋ بويىنشا 153 قىلمىستىق ءىس تىركەلدى. الەۋمەتتىك جەلىلەردى مونيتورينگىلەۋ بارىسىندا ەسىرتكى قۇرالدارى مەن پسيحوتروپتىق زاتتاردىڭ تارالۋىنا قاتىسى بار 1606 ۆەب-سايت، اككاۋنتتار جانە باسقا دا رەسۋرستار انىقتالىپ، بۇعاتتالدى»، دەدى قر ءىىم ەسىرتكى قىلمىسىنا قارسى ءىس-قيمىل دەپارتامەنتىنىڭ وكىلى دانيار ورالوۆ.

ونىڭ ايتۋىنشا، حالىق پەن ۇەۇ قاتىسۋىمەن ەسىرتكى ساتۋ بويىنشا ينتەرنەت-رەسۋرستارعا سىلتەمەلەرى بار 4160 گراففيتي-سۋرەت جويىلدى.

جالپى، ءىىم دەرەكتەرى بويىنشا، 2022 جىلدىڭ 7 ايىندا 1 491 ەسىرتكى قىلمىسى، ونىڭ ىشىندە 874 وتكىزۋ فاكتىسى جانە 227 اسا ءىرى كولەمدە ەسىرتكىنى ساقتاۋ فاكتىسى انىقتالدى. جىل باسىنان بەرى بارلىعى 4،5 توننا ءتۇرلى ەسىرتكى قۇرالدارى تاركىلەندى. ونىڭ ىشىندە 2،2 توننا ماريحۋانا، 400 كگ استام گاشيش جانە 87 كگ سينتەتيكالىق ەسىرتكى تاركىلەندى.

نۇر-سۇلتان قالاسىنىڭ، اتىراۋ جانە پاۆلودار وبلىستارىنىڭ اۋماعىندا كاننابيس جانە سينتەتيكا ەسىرتكىلەرىن ساتۋمەن اينالىساتىن 3 ۇيىمداسقان قىلمىستىق توپتىڭ جولى كەسىلدى.

سينتەتيكالىق ەسىرتكىگە بايلانىستى 890 قىلمىس تىركەلدى. نۇر-سۇلتان، الماتى قالالارى مەن اقمولا، شىعىس قازاقستان، سولتۇستىك قازاقستان، قىزىلوردا، قوستاناي، جامبىل، پاۆلودار، ماڭعىستاۋ جانە قاراعاندى وبلىستارىندا 23 ەسىرتكى زەرتحاناسى جويىلدى.

 

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

اتىراۋ وبلىسىندا 77 براكونەر انىقتالدى

ايماقتار • 23 قىركۇيەك، 2022

ۇقساس جاڭالىقتار