ايماقتار • 15 تامىز، 2022

كيىكتى اتقان اقمولا تۇرعىنىنا قاتىستى ءىس قوزعالدى

958 رەت كورسەتىلدى

اقمولا وبلىسىنىڭ 42 جاستاعى تۇرعىنىنا قاتىستى زاڭسىز كيىك اتۋ بويىنشا قىلمىستىق ءىس قوزعالدى، دەپ حابارلايدى Egemen.kz.

وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە، ول تابيعاتتى قورعاۋ پوليتسياسىنىڭ قىزمەتكەرلەرى مەن «وحوتزووپروم» كاسىپورنىنىڭ جانە جانۋارلار دۇنيەسى ورمان شارۋاشىلىعى اۋماقتىق ينسپەكتسياسى قىزمەتكەرلەرى بىرلەسىپ جۇرگىزگەن رەيد بارىسىندا ۇستالدى.

«12 تامىزدا «وحوتزووپروم» كاسىپورنى قىزمەتكەرلەرى امانگەلدى اۋىلدىق وكرۋگىنىڭ اۋماعىندا 42 جاستاعى تۇرعىننىڭ زاڭسىز ءمۇيىزدى كيىكتى اتىپ العانىن انىقتادى. قورعالجىن اۋداندىق پوليتسيا ءبولىمى وسىعان بايلانىستى قىلمىستىق كودەكستىڭ 337-بابى 4-بولىگى (زاڭسىز اڭ اۋلاۋ) بويىنشا سوتقا دەيىنگى تەرگەۋدى باستادى. پوليتسيا قىزمەتكەرلەرى كۇدىكتىدەن تىركەلمەگەن تەگىس، ءبىر ۇڭعىلى «يج-16» مىلتىعىن، 5 گيلزانى تاركىلەدى»، دەلىنگەن ۆەدومستۆو حابارىندا.

ەر ادام بۇرىن دا قىلمىستىق كودەكستىڭ 188-بابى بويىنشا قىلمىستىق جاۋاپقا تارتىلعانى انىقتالدى.

وسى رەتتە، پوليتسيا قىزمەتكەرلەرى ەل اۋماعىندا عىلىمي ماقساتتاردا پايدالانۋدى قوسپاعاندا، كيىكتەردى، ولاردىڭ بولىكتەرى مەن دەريۆاتتارىن 2023 جىلعا دەيىن پايدالانۋعا تىيىم سالىنعانىن ەسكە سالادى.

اقبوكەندەردى زاڭسىز اۋلاۋ فاكتىلەرىن انىقتاۋ، الدىن الۋ جانە جولىن كەسۋ ماقساتىندا 8-18 تامىز ارالىعىندا وبلىس اۋماعىندا «اقبوكەن» رەسپۋبليكالىق اكتسياسى ءوتىپ جاتىر.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار