ءبىلىم • 15 تامىز، 2022

ەلوردادا جاڭا مەكتەپ پايدالانۋعا بەرىلەدى

41 رەت كورسەتىلدى

وقۋ-اعارتۋ ءمينيسترى اسحات ايماعامبەتوۆ ەلوردا مەكتەپتەرىن ارالاپ، جاڭا وقۋ جىلىنا دايىندىق بارىسىمەن تانىستى، دەپ حابارلايدى Egemen.kz.

«قۇرىلىسى 2018 جىلى باستالىپ، ءالى كۇنگە دەيىن اياقتالماعان مەكتەپكە باردىم. بىلتىر قالا اكىمدىگى جوبالىق-سمەتالىق قۇجاتتارىن رەتتەپ، نىسان باسقا مەردىگەرگە بەرىلگەن بولاتىن. قالا اكىمى ورىنباسارىنىڭ ايتۋىنشا، ۇلى دالا مەن №39 كوشەلەرىنىڭ قيىلىسىندا ورنالاسقان مەكتەپ بيىل جىل سوڭىنا دەيىن پايدالانۋعا بەرىلەدى»، دەپ جازدى مينيستر الەۋمەتتىك جەلىدەگى پاراقشاسىندا.

سونداي-اق ول International School of Nur-Sultan جەكەمەنشىك مەكتەبىنىڭ قۇرىلىسى قالاي ءجۇرىپ جاتقانىن كوردى. قازىر ەلىمىزدە مەملەكەتتىك مەكتەپتەرمەن قاتار جەكەمەنشىك مەكتەپتەر دە بەلسەندى تۇردە سالىنىپ جاتىر. ولارعا مەملەكەتتىك تاپسىرىستاردى ورنالاستىرۋ ەسەبىنەن وقۋشى سانى تولىپ جاتقان مەكتەپتەردى ازايتۋ جوسپارى بار.

گ

«باسقا مەكتەپتەردىڭ دە جاڭا وقۋ جىلىنا دايىندىعىن تەكسەردىم. №71 مەكتەپ-ليتسەيىندە بولدىم. ءبىلىم ورداسى وقۋشىلاردى قابىلداۋعا دايىن. جوندەۋ جۇمىستارى جۇرگىزىلگەن، ينكليۋزيا كابينەتى جۇمىس ىستەپ تۇر. سىنىپتاردى، اسحانانى، كىتاپحانانى، سپورت زالىن، جۋىناتىن بولمەلەردى ارالاعاندا ونداعى ارىپتەستەرىممەن اڭگىمەلەستىم. اسىرەسە، مەكتەپ كىتاپحاناشىسىنىڭ ءوز ىسىنە سۇيىسپەنشىلىگى مەن ادالدىعى ەرەكشە اسەر قالدىردى. وقۋشىلار كىتاپحاناشىلاردىڭ ەڭبەگىن باعالاپ، ولاردى وقىعان كىتاپتارىنىڭ سانىمەن قۋانتادى دەپ ۇمىتتەنەمىن»، دەدى اسحات ايماعامبەتوۆ.

مينيستر مەكتەپكە دايىندالىپ جاتقان بولاشاق 1-ءشى سىنىپ وقۋشىلارىمەن دە جۇزدەستى. قولدانىستاعى زاڭناماعا سايكەس مەكتەپتەردى سالۋدى جانە جوندەۋ جۇمىستارىن جۇرگىزۋدى اكىمدىكتەر جۇزەگە اسىرادى.

گ

«مەكتەپتەردىڭ جوندەۋ جۇمىستارى، قۇرىلىس ساپاسى مەن مەرزىمىنە بايلانىستى كوپتەگەن سۇراق بار. ساپانى قامتاماسىز ەتۋ بولىمشەلەرىنىڭ وكىلدەرى قۇرىلىس-جوندەۋ جۇمىستارىنىڭ بارىسىنا مونيتورينگ جۇرگىزدى جانە تەكسەرىس ەلەۋلى كەمشىلىكتەردىڭ بار ەكەنىن كورسەتىپ وتىر. اكىمدىكتەرگە شارا قابىلداۋ ءۇشىن ەسكەرتۋلەر جولداندى»، دەلىنگەن ءمينيستردىڭ حابارلاماسىندا.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار