فۋتبول • 15 تامىز، 2022

ەل كۋبوگى ءۇشىن تالاسادى

23 رەت كورسەتىلدى

سەنبى كۇنى فۋتبولدان قازاقستان كۋبوگى جولىنداعى جارىستىڭ توپتىق كەزەڭىنىڭ التىنشى تۋرى اياسىندا بىرنەشە كەزدەسۋ ءوتتى.

«ماقتاارال» مەن «تاراز» اراسىنداعى كەزدەسۋدە جەڭىمپاز انىقتالعان جوق. 58 مينۋتتا عالىم كەنجەبەك ەسەپ اشقانىمەن، 74 مينۋتتا ادىلەت كەڭەسبەك تارازى باسىن تەڭەستىردى – 1:1. تەڭ ەسەپ قوس كوماندانى دا قاناعاتتاندىردى. سەبەبى س توبىنداعى «اقتوبە» مەن «توبىل» ولاردان ەداۋىر قالىپ قويعان ەدى. اقتاۋدا «كاسپي» ورالدىڭ «اقجايىعىنان» 2:1 ەسەبىمەن باسىم ءتۇستى. وسىلايشا، بۇل توپتاعى ءۇش ۇجىم 10 ۇپايدان جيدى. بىراق ءبىرىنشى ورىندا كەلە جاتقان «تارازدىڭ» ءالى ءبىر ويىنى بار. ال دوپ ايىرماشىلىعى بويىنشا «اقجايىق» ەكىنشى ورىندى يەلەنسە، «كاسپي» ءۇشىن جارىس اياقتالدى. «قايرات» «اتىراۋدىڭ» قاقپاسىنا جاۋاپسىز ءۇش دوپ سوقتى – 3:0. بۇل گولداردىڭ اۆتورلارى – سەرگەي كەيلەر، دانيار ۇسەنوۆ جانە ۆياچەسلاۆ شۆىرەۆ. وسىلايشا، بەس باسەكەدە باسىمدىق تانىتقان الماتىلىقتار ا توبىندا الدىنا جان سالمادى. پاۆلوداردا وتكەن «اقسۋ» مەن «ورداباسى» اراسىنداعى ماتچتا قوناقتار جەڭىس تويىن تويلادى. جالعىز گولدى 24 مينۋتتا الەكساندر باتيششەۆ سالدى – 0:1.

ءسويتىپ، ەل كۋبوگىنىڭ شيرەك فينالىنا شىققان كوماندالار تولىقتاي انىقتالدى. ولار – «قايرات»، «قايسار»، «ورداباسى»، «اقجايىق»، «تاراز»، «ماقتاارال»، «شاحتەر» جانە «استانا».

سوڭعى جاڭالىقتار

بار ءۇمىت – بۋبليكتە

تەننيس • كەشە

وقىرماننىڭ رۋحاني ولجاسى

ەگەمەن قازاقستان • كەشە

ۇقساس جاڭالىقتار