دۋبايدا جۇرگىزۋشىسىز باسقارىلاتىن تاكسي پايدا بولماق

استانا. 7 مامىر. دۋبايدا الداعى ەكى جىلدا جۇرگىزۋشىسىز باسقارىلاتىن تاكسي پايدا بولماق. بۇل تۋرالى ريا «نوۆوستي» حابارلادى. Personal Rapid Transit, ياعني دەربەس اۆتوماتتى كولىك جوعارى تەحنولوگيانى قولدانا وتىرىپ, ارنايى بولىنگەن جولدار جەلىسىمەن جولاۋشىلاردى وزدىگىنەن تاسىمالداي الادى. مۇنداي كولىك ءتۇرىن زەرتتەۋ جۇمىستارى 1953 جىلدان باستاپ قولعا الىنعان ەكەن. الايدا, قوزعالىس قاۋىپسىزدىگىن قامتاماسىز ەتۋدە ءبىرشاما قيىندىقتار تۋىنا بايلانىستى, ونى قولدانىسقا ەنگىزۋگە مۇمكىندىك بولماعان. قازىرگى تاڭدا جۇرگىزۋشىسىز باسقارىلاتىن كولىك قۇرالى لوندوننىڭ حيتروۋ اۋەجايىندا عانا جۇمىس ىستەيدى. بۇل جۇيە 2010 جىلدان باستاپ جولاۋشىلاردىڭ قولدانىسىنا ەنگەن. دۋبايدا دەربەس اۆتوماتتى كولىك جۇيەسىن ەنگىزۋ ەكسپو-2020 حالىقارالىق كورمەسىن وتكىزۋگە بايلانىستى قالالىق ينفراسترۋكتۋرانى جەتىلدىرۋ جوباسى اياسىندا جۇزەگە اسپاق. ايدار ورىسباەۆ. دەرەككوز: Ria.ru. فوتو: Fresher.ru.