ۇزدىكتەر تىزىمىندە 46 ورىندا تۇرعان جەرلەسىمىز تۇساۋكەسەر كەزدەسۋىندە جەرگىلىكتى تەننيسشى كەترين سەبونى سان سوقتىرىپ, ەكىنشى كەزەڭدە الەمنىڭ ءۇشىنشى راكەتكاسى, يسپانيالىق پاۋلا بادوسامەن كۇش سىناستى. العاشقى سەتتە قارسىلاسىنان 2:4 ەسەبىمەن ۇتىلىپ جاتقان پۋتينتسەۆا اقىرىندا جەڭىستى ايگىلى قارسىلاسىنىڭ ۋىسىنان ج ۇلىپ اكەتتى – 7:5. ەكىنشى سەتتى دە وتانداسىمىز ءساتتى باستاعان ەدى, بادوسا جارىستى جالعاستىرۋدان باس تارتتى. ءۇشىنشى اينالىمدا يۋليا WTA تىزىمىندە 35 ورىنعا تۇراقتاعان امەريكالىق ەليسون ريسكەنى جولىنان ىعىستىردى – 6:3, 7:5. شيرەك فينالدا قازاقستاندىق تەننيسشى اقش-تىڭ تاعى ءبىر وكىلى دجەسسيكا پەگۋلامەن كەزدەستى. الەمنىڭ جەتىنشى راكەتكاسىنا يۋليا پۋتينتسەۆانىڭ ءالى جەتپەدى – 3:6, 3:6.
ءدال وسى تۋرنيردە ەلەنا رىباكينا دا باق سىناعان ەدى. بىراق ۋيمبلدوندا توپ جارعان جەرلەسىمىزدىڭ تورونتودا جولى بولمادى. ول ەكىنشى كەزەڭدە امەريكالىق كوري گاۋففتان جەڭىلدى.
