سپورت • 15 تامىز، 2022

قارسىلاستىڭ بارلىعى دا ازۋلى

35 رەت كورسەتىلدى

كۇنى كەشە عانا 3-18 قىركۇيەك ارالىعىندا شوتلانديانىڭ گلازگو قالاسىنداعى «ەميرەيتس ارەنادا» وتەتىن دەۆيس كۋبوگىنىڭ توپتىق تۋرنيرىندە قازاقستاننىڭ تەننيسشىلەرى قانداي قۇرامدا ونەر كورسەتەتىنى بەلگىلى بولدى. كوماندا كاپيتانى يۋري ششۋكين الەكساندر بۋبليك، ميحايل كۋكۋشكين، دميتري پوپكو، اندرەي گولۋبەۆ جانە الەكساندر نەدوۆەسوۆ سىندى ساڭلاقتارعا سەنىم ارتىپ وتىر. سونداي-اق سول تىزىمگە تيموفەي سكاتوۆ تا قوسالقى ويىنشى رەتىندە ەندى.

قازاقستان قۇراماسى ساپىنداعى ەڭ مىقتى ويىنشىلار الەكساندر بۋبليك پەن ميحايل كۋكۋشكين ەكەنى ءسوزسىز. 25 جاستاعى بۋبليك بۇل كۇندەرى الەمدىك رەيتينگتە 42 ورىندى يەلەنۋدە. كۋكۋشكين قازىرگى كەزدە نەبارى 213 ورىندى قاناعات تۇتىپ وتىرعانىمەن، كەزىندە ونىڭ توپ-40 تەننيسشىنىڭ قاتارىندا بولعانىن جانكۇيەرلەر ۇمىتا قويعان جوق. سول سەبەپتى دە 34 جاستاعى ارداگەرگە ارتىلار سەنىم زور. بۋبليكپەن تۇيدەي قۇرداس دميتري پوپكو دا سوڭعى ۋاقىتتا ءتاۋىر ويناپ ءجۇر. بۇگىنگى تاڭدا جەرلەسىمىز 219 ورىندى ەنشىلەگەن. ال اندرەي گولۋبەۆ پەن الەكساندر نەدوۆەسوۆ جۇپتىق سايىستا كۇش سىناسادى. وسى ورايدا بىلتىر رولان گارروس تۋرنيرىندە بۋبليكپەن جۇپ قۇرعان گولۋبەۆ فينالعا دەيىن جەتكەنىن ايتا كەتسەك ەش ايىبى جوق دەپ ويلايمىز.

D توبىنا تۇسكەن جەرلەستەرىمىز اقش، ۇلى­بريتانيا جانە نيدەرلاند قۇرامالا­رىنا قارسى وينايدى. امەريكالىقتار دەۆيس كۋبوگىندا 32 مارتە دارا شىعىپ، 28 رەت في­نالدا ونەر كورسەتتى. ءداپ قازىرگى كەزدە اتال­عان مەملەكەتتىڭ 13 ورەنى توپ-100 ويىن­شىنىڭ قاتارىندا. ولار – تەيلور فريتتس (13)، فرەنسيس تيافو (24)، رەيللي وپەل­كا (25)، توممي پول (31)، ماكسيم كرەس­سي (32)، دجەنسون برۋكسبي (43)، دجون يسنەر (50)، سەباستيان كوردا (52)، ماركوس دجيرون (54)، برەندون ناكاشيما (66)، ماككەنزي ماكدونالد (72)، دجەففري ۆولف (82) جا­نە دەنيس كۋدلا (95). وسى ساڭلاقتاردى قان­داي ءدۇبىرلى دۇرمەككە قوسساڭىزدار دا، سەنىم ۇدەسىنە شىعۋ ءۇشىن ەش ايانىپ قالماسى انىق.

ۇلىبريتانيا اتالعان تۋرنيردە 10 مار­­تە توپ جارىپ، سەگىز رەت فينالدىق سا­يىس­­­تا ەسە جىبەردى. بۇل كوماندانىڭ ۇز­دىگى – كەمەرون نورري. 27 جاستاعى كەمە­رون وار-دا تۋعانىمەن، ءبىراز جىل جاڭا زە­لان­­ديانىڭ نامىسىن قورعادى. كەيىننەن تۇ­ماندى البيون ەلىنە قونىس اۋداردى. بيىل ۋيمبلدوننىڭ جارتىلاي فينالىنا دەيىن جەتكەن نورري اتر تىزىمىندە 10-ورىندى ولجالاۋدا. الەمدىك رەيتينگتە 30 ساتىعا جاي­عاسقان 32 جاستاعى دەنيەل ەۆانستىڭ دا ەكپىنى كۇشتى. دەسەك تە، بريتاندىقتاردىڭ باس­تى جۇلدىزى – ەندي ماررەي ەكەنى داۋ­سىز. كەزىندە ۋيمبلدون مەن US open تۋر­نيرلەرىن ۇتىپ، رولان گارروس پەن اۋسترا­ليانىڭ اشىق بىرىنشىلىگىنىڭ فينالىندا ويناعان ول سول شاقتا الەمنىڭ ءبىرىنشى راكەتكاسى اتان­عان ەدى. كەيىننەن جاراقاتىنا بايلانىستى ماررەي ءبىراز ۋاقىت ۇلكەن سپورتتان قول ءۇزىپ قالدى. 2021 جىلى كورتقا قايتا ورالعان 35 جاس­تاعى تەننيسشى بىرتە-بىرتە بابىنا ەنىپ كە­لەدى. بۇل كۇندەرى ەندي ۇزدىكتەر تىزى­مىندە 47-ورىندى يەمدەنۋدە. سونداي-اق مىق­تى­لار ساناتىندا دجەك درەيپەر سىندى ساڭ­لاق بار. ول اتر رەيتينگىندە 55-ورىنعا تۇراق­تادى.

نيدەرلاند قۇراماسى ونداي وراسان زور تابىسىمەن ماقتانا المايدى. ولاردىڭ ەڭ ۇزدىك ناتيجەسى – 2001 جىلى دەۆيس كۋبوگىنىڭ جارتىلاي فينالىنا شىعۋى. قازىرگى كەزدەگى قىزعالداقتار ەلى وكىلدەرى اراسىندا بوتيك ۆان دە زاندشۋلپ پەن تاللون گريكسپۋردى بولە-جارا اتاپ وتۋگە بولادى. ەكەۋى دە 26 جاستا. سونىمەن قاتار بۇعان دەيىن كولەڭكەدە قالىپ جۇرگەن تيم ۆان ريتحوۆەن دە سوڭعى ۋاقىتتا ءوز ويىن ورنەگىن تابا باستادى. ول اتر رەيتينگىندە 120-ورىنعا تابان تىرەپ تۇر.

– ءبىز كىل مىقتى جينالعان وتە كۇشتى توپ­قا تۇستىك. ۇلىبريتانيالىقتار ءوز جەرىندە وينايدى. بارشا كورەرمەننىڭ سولاردى قولدايتىنى انىق. اقش قۇراماسىنىڭ اتاعى الىسقا جايىلعان. امەريكالىقتار دەۆيس كۋبوگىنىڭ باستى فاۆوريتتەرى. ال نيدەرلاندپەن 2019 جانە 2020 جىلدارى ويناعانبىز. ول كەزدەگى اتالعان ەلدىڭ ورەندەرى جاس بولاتىن. قازىر ولار ابدەن ىسىلدى. سوندىقتان دا قىزعالداقتار ەلى وكىلدەرىمەن ساناسپاۋعا بولمايدى. بىراق ءبىز گلازگو كورتىندا ەش ايانباي ايقاسىپ، شيرەك فينالعا شىعۋ ءۇشىن بارىنشا كۇش سالامىز، – دەيدى قازاقستان قۇراماسىنىڭ كاپيتانى يۋري ششۋكين.

وزگە توپتاردا مىنا كوماندالار ءوزارا كۇش سىناسادى: A توبى – حورۆاتيا، يتاليا، ارگەنتينا جانە شۆەتسيا. بۇل كەزدەسۋلەر يتاليانىڭ بولونيا قالاسىندا وتەدى. ۆ توبى – يسپانيا، كانادا، سەربيا جانە وڭتۇستىك كورەيا. ولار پيرنەي تۇبەگىندەگى ەڭ اسەم شاھارلاردىڭ ءبىرى – ۆالەنسيادا شەبەرلىك بايقاسادى. س توبى – فرانتسيا، گەرمانيا، بەلگيا جانە اۋستراليا. بۇل باسەكەلەر نەمىستەردىڭ گامبۋرگ قالاسىندا ۇيىمداستىرىلادى. ءار توپتا العاشقى ەكى ورىندى يەلەنگەن كوماندالار دەۆيس كۋبوگىنىڭ شيرەك فينالىنا جولداما الادى. بۇل مەجەدەگى باسەكەلەر ۇستىمىزدەگى جىلدىڭ قاراشا ايىندا يسپانيانىڭ مالاگا قالاسىندا وتەدى.

سوڭعى جاڭالىقتار

ءوڭىر جانە وركەنيەت

ساياسات • كەشە

اعا بۋىننىڭ قولداۋى

ساياسات • كەشە

ەسىمنەن كەتپەس ەساعاڭ

رۋحانيات • كەشە

بار ءۇمىت – بۋبليكتە

تەننيس • كەشە

وقىرماننىڭ رۋحاني ولجاسى

ەگەمەن قازاقستان • كەشە

ۇقساس جاڭالىقتار