سپورت • 15 تامىز، 2022

ازىرگە بەسىنشى ورىندامىز

42 رەت كورسەتىلدى

قازاقستاننىڭ سپورتشىلارى تۇركيانىڭ كونيا قالاسىندا جالاۋى جەلبىرەگەن V يسلام ىنتىماقتاستىعى ويىندارىن ءساتتى باستاعان ەدى. جارىستىڭ سالتاناتتى اشىلۋ راسىمىنە دەيىن 10 مەدال جەڭىپ الساق، ودان كەيىنگى كۇندەرى دە جەرلەستەرىمىز ورەلى ونەرىمەن ءوز جانكۇيەرلەرىن قۋانتتى.

بەيسەنبى جانە جۇما كۇندەرى قور­جى­نىمىز تاعى بىرنەشە جۇل­دەمەن تولىقتى. اۋىر اتلەتتەر سايىسىندا 55 كيلو سالماقتا­عى ارلي چونتەيگە تەڭ كەلەر ەش­كىم تابىلمادى. الەم چەمپيونى قوسسايىستىڭ قورىتىندىسى بويىنشا 253 (114+139) كيلونى ەڭسەرىپ، جەڭىس تۇعىرىنىڭ ەڭ بيىك ساتىسىنا كوتەرىلدى. كوماندالىق ارىپتەسىنىڭ جەڭىس­تى جولىن زۋلفيا چينشانلو جال­عاستىردى. 59 كيلو سالماقتا سىنعا تۇسكەن وليمپيا ويىندارىنىڭ قولا جۇلدەگەرى، الەمنىڭ ءۇش دۇركىن چەمپيونى 220 (95+125) كيلولىق زىلتەمىردى تىك كوتەرىپ، التىننان القا تاقتى. ال 61 كيلو سالماقتا ونەر كورسەتكەن وتەپبەرگەن اليەۆ قولا مەدالدى موينىنا ءىلدى.

تاەكۆوندوشىلار تارتىسىندا 73 كيلو سالماقتاعى جانسەل دەنيز ءۇشىنشى ورىنعا تابان تىرەدى. ازيا ويىندارى مەن دۇنيەجۇزىلىك ۋنيۆەرسيادانىڭ كۇمىس جۇلدەگەرى تەك تۇركيالىق سۋدە ۋزۋنچاۆدار مەن ليۆاندىق سەلمان ۆاردتان عانا قالىپ قويدى. تاعى ءبىر قولا مەدالدى يوردانيانىڭ وكىلى راما ابو-الرۋب ەنشىلەدى. ايەل­دەر كۇ­رەسىنەن وتكەن جارىستا ەلەنا شالى­گينانىڭ (65 كيلو) اسقان شەبەرلىگىنە ءتانتى بولدىق. 35 جاس­تاعى ارداگەر سپورتشى بارلىق قارسىلاسىن قاپى قال­دىرىپ، باس جۇلدەنى ولجالادى. گرەك-ريم كۇرەسى شەبەرلەرىنىڭ باسەكەسىندە امانعالي بەكبولاتوۆ (55 كيلو) قولا مەدالدى يەمدەندى.

سەنبى كۇنى قازاقستان قۇراما­سىنىڭ قورجىنىنا العاشقى جۇلدەنى اۋىر اتلەت الەكسەي چۋركين (73 كيلو) سالدى. قوسسايىستا 315 (145+170) كيلونى ەڭسەرگەن ول ەكىنشى ساتىعا جايعاستى. كوپ كە­شىكپەي انادولى ەلىنەن تاعى ءبىر قۋانىشتى حابار جەتتى. 50 مەترلىك قاشىقتىققا براسس ادىسىمەن جۇزۋدە ادەلايدا پچەلينتسەۆا الدىنا جان سالماي، تۇركيا كوگىندە قازاقستاننىڭ ءانۇرانىن تاعى ءبىر مارتە شىرقاتتى.

جەكسەنبى كۇنگە دەيىنگى جاعداي­عا زەر سالساق، قازاقستان قۇرا­ما­­سى 13 التىن، 9 كۇمىس جانە 21 كۇ­مىس مەدالمەن جا­لپى ەسەپتە بەسىن­شى ورىندا كەلەدى. بار­لىعى – 43 جۇلدە. الدىمىزدا – تۇر­كيا (60 التىن+59 كۇمىس+50 قولا)، يران (27+23+23)، وزبەكستان (20+17+26) جانە ازەربايجان (13+14+15) قۇ­را­مالارى. ەستەرىڭىزگە سالا كەتەيىك، يسلام ىنتىماقتاستىعى ويىن­­دارى 18 تامىزدا ءوز مارەسىنە جەتەدى.

سوڭعى جاڭالىقتار

ەل بىرىنشىلىگى باستالدى

بوكس • بۇگىن، 07:42

دۋبايدا دايىندالادى

تەننيس • بۇگىن، 07:40

«بارىس» تاعى جەڭىلدى

حوككەي • بۇگىن، 07:39

كىشكەنتاي قۇتقارۋشى

قوعام • بۇگىن، 07:38

جاساندى جۇرەك تە ءومىردى ۇزارتادى

مەديتسينا • بۇگىن، 07:37

كارديولوگتەر ەنگىزگەن تەحنولوگيا

مەديتسينا • بۇگىن، 07:35

جىلۋ قۇبىرىنداعى اپات

ايماقتار • بۇگىن، 07:32

مۇز قۇرسانعان ەكىباستۇز

ايماقتار • كەشە

ءۇمىت ساۋلەسى

ساياسات • كەشە

ساڭلاقتىڭ سوڭعى سامعاۋى

قازاقستان • كەشە

ۇقساس جاڭالىقتار