قوعام • 13 تامىز، 2022

باقىتگۇل حامەنوۆاعا قاتىستى سوت 5 قىركۇيەكتە جالعاسادى

34 رەت كورسەتىلدى

اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆاعا قاتىستى سوت وتىرىسى 5 قىركۇيەكتە قايتا جالعاسادى، دەپ حابارلايدى Egemen.kz.

سوتتا كۋاگەرلەر اتىراۋ قالالىق مادەنيەت جانە سپورت ءبولىمىنىڭ ەسەپ جانە ەسەپتەۋ ءبولىمىنىڭ مەڭگەرۋشىسى ليزا ۋكەشوۆا مەن سارايشىق اۋىلدىق وكرۋگىنىڭ اكىمى جەكسەنباي فازۋلوۆتىڭ جاۋابى تىڭدالدى. ولاردان وزگە ءۇش كۋاگەر بەلگىسىز سەبەپتەرمەن سوت پروتسەسىنە كەلمەي قالدى.

ەندى سوتتىڭ كەلەسى وتىرىسى 5 قىركۇيەكتە جالعاسادى.

ەسكە سالا كەتەيىك، اتىراۋ وبلىسى اكىمىنىڭ ورىنباسارى قىزمەتىن اتقارعان باقىتگۇل حامەنوۆا اباي ەسكەرتكىشىن ورناتۋعا بولىنگەن قاراجاتتان پارا الدى دەگەن كۇدىككە ىلىنگەن. ول بىلتىرعى جەلتوقسان ايىندا ۇستالىپ، تەرگەۋ يزولياتورىنا قامالدى.

سوتتا باقىتگۇل حامەنوۆا وزىنە تاعىلعان ءايىپتى مويىندامايتىنىن مالىم ەتتى. ونىڭ ىسىنە قاتىستى ايىپتاۋ اكتىسى 55 بەتتى قۇراعان.

سوڭعى جاڭالىقتار

يراندا Skype بۇعاتتالدى

الەم • بۇگىن، 17:20

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار