قوعام • 12 تامىز، 2022

تاعى 5 ملن گەكتار جەر مەملەكەتكە قايتارىلادى

56 رەت كورسەتىلدى

پرەمەر-ءمينيستردىڭ ءبىرىنشى ورىنباسارى رومان سكلياردىڭ توراعالىعىمەن پايدالانىلماي جاتقان جانە زاڭنامانى بۇزا وتىرىپ بەرىلگەن جەرلەردى مەملەكەت مەنشىگىنە قايتارۋ جونىندەگى كوميسسيانىڭ كەزەكتى وتىرىسى ءوتتى، دەپ حابارلايدى Egemen.kz قر اشم ءباسپاسوز قىزمەتىنە سىلتەمە جاساپ.

قازاقستاننىڭ اۋىل شارۋاشىلىعى ءمينيسترى ەربول قاراشوكەەۆ اۋىل شارۋاشىلىعى جەرلەرىن انىقتاۋ جانە قايتارۋ بويىنشا جۇرگىزىلىپ جاتقان جۇمىستاردىڭ ناتيجەلەرى تۋرالى ەسەپ بەردى. ونىڭ ايتۋىنشا، جىل باسىنان بەرى جانە 10 تامىزداعى جاعداي بويىنشا كوميسسيا 1 ملن 119 مىڭ گا جەردى مەملەكەتكە قايتاردى، بۇل وتكەن جىلمەن سالىستىرعاندا 2،7 ەسە كوپ. بىلتىر كورسەتكىش 400 مىڭ گا كورسەتكەن بولاتىن.

«قازىر 2 ملن 94 مىڭ گا الاڭدا جەر پايدالانۋشىلارعا قاتىستى 724 جوسپاردان تىس تەكسەرۋ جۇرگىزىلۋدە، پروكۋراتۋرا ورگاندارىندا 698،4 مىڭ گا جەردى تەكسەرۋ بويىنشا 48 ءوتىنىش تىركەۋ ساتىسىندا تۇر»، دەدى مينيستر.

بۇدان بولەك، جىل باسىنان بەرى قر اشم جەر رەسۋرستارىن باسقارۋ كوميتەتىنىڭ اۋماقتىق بولىمشەلەرى اكىمدىكتەردىڭ ۋچاسكەلەردى زاڭناما تالاپتارىن بۇزا وتىرىپ بەرگەن 74 فاكتىنى انىقتالدى.

«سونىمەن قاتار مال جايۋ ءۇشىن 16 ملن گا كولەمىندە جايىلىمداردىڭ جەتىسپەۋشىلىگى بايقالادى، بۇل جاعداي مال باسىنىڭ قىسقارۋىنا جانە اۋىلداعى الەۋمەتتىك نارازىلىقتىڭ وسۋىنە الىپ كەلەدى»، دەپ تولىقتىردى ەربول قاراشوكەەۆ.

جالپى، كوميسسيا 7،45 ملن گا الاڭدا 2584 سۋبەكتىگە قاتىستى تەكسەرۋ جۇرگىزۋدى جوسپارلاپ وتىر، ونىڭ ىشىندە – 585،2 مىڭ گا ەگىستىك پەن 6،86 ملن گا جايىلىم جەر بار.

اۋىل شارۋاشىلىعى ءمينيسترى جەرگىلىكتى اكىمدىكتەردى پايدالانىلماي جاتقان اۋىل شارۋاشىلىعى القاپتارىن انىقتاۋ بويىنشا جۇمىسقا بەلسەندى قاتىسۋعا، سونداي-اق اشم-گە جەر ۋچاسكەلەرى بويىنشا ۇسىنىلاتىن دەرەكتەردىڭ انىقتىعى مەن وزەكتىلىگىن باقىلاۋعا شاقىردى.

2022 جىلى 9 تامىزدا قازاقستان پرەزيدەنتى جەر زاڭناماسىنىڭ ساقتالۋىنا تەكسەرۋ جۇرگىزۋگە ءموراتوريدىڭ كۇشىن جويۋدى كوزدەيتىن جارلىققا قول قويعانى بەلگىلى.

بيىلعى جىلدىڭ سوڭىنا دەيىن مەملەكەت مەنشىگىنە پايدالانىلماي جاتقان جانە قولدانىستاعى زاڭنامانى بۇزا وتىرىپ بەرىلگەن 5 ملن گەكتارعا دەيىن اۋىل شارۋاشىلىعى جەرلەرىن قايتارۋ جوسپارلاپ وتىر.

سوڭعى جاڭالىقتار

«تازا كوكجايلاۋ» اكتسياسى ءوتتى

ەكولوگيا • بۇگىن، 19:11

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار